هوسات /// ناظم الحاشي

[نحن جند الحكيم]

بسم الله الرحمن الرحيم
الحمد لله رب العالمين والصلاة والسلام على محمد وآله الطاهرين


على العباس من دارت جيوش اهل الكفر كلها
ويسمع صوت زينب صاح تطلب عهد كافلهه
ذبح جمع الكفر عباس ورد لزينب يكلهه
يتمت بليس من جنوده
*************
لزمهه الراية ابو فاضل وشڴ صدر الزلم بيهه
ومن كثر الزعل مطبوع ﭼفة بخشب ساريهــــه
ما ﭼن راية بيده تڴول ﭽن زينب وحاميــــــــهه
وشلون تطيح اختة من ايده
*****************
ڴالو لو زعل عباس جيوش الباطل يردهه
ڴالو لو زعل عباس مر الموت يوردهه
وڴلنة لو زعل عباس بالعباس يحصدهه
وبجف مكطوع يذريهه
****************
كلبهه من الغضب دم صاحب الجفــين
وحك حيدر علي لو ما يمنعه حسيــن
السموات السبع عباس بالارضــــــين
طك سبعة بسبعة وساواهــــــــــــــــه
****************
مو كل راية تسَّمَّة راية وينحلف بيهه
بس الشالها العباس راية وراية اسميهه
لذلك جان حك حسين للعباس ينطيهه
وسلمهه لجف يسوة الراية
****************
ثوب الخوة عد عباس غطة العباس وفراشة
الزهرة حاكتة لحسين وحيدر فصل قماشة
وبيده سلمة جبريل للعباس دشداشة
عيد بيهه للطف ضمهه
****************
موش حسين واحد طاح بالطف طاحو حسينين
ولاعباس واحد جان بالطف جان عباسين
ثنين بواحد إنجمعو ولا جن الإثنين إثنين
وندار حسين بعباسة
*****************
لو ناخذ نبي وية حسين بالمقياس
خشب عصاة موسى وعصتة العباس
شمرهه بنص زلمهم وخذ بيهم باس
عصاته بلعتهم كلهم
****************
بفراشه بعد عباس وغيرة علي شايلهه
شرحله الموقف الكرار وطف كربلة ومعضلهه
واشرله على زينب وابو فاضل تكفلهه
بفراشة وتكفل زينب
***************
لسان الحال للزهراء جنهه تصيح اسمعوني
اني ام الحسن وحسين ولدي وكرة عيوني
وكرامة لموقف ام عباس ..ام عباس سموني
وصرنة ام عباس نسميهه
******************
ياجف مثل جف عباس جف فوك الثرة مكطع
امية رادت الراية وعصت بيمينة ما تطلع
تحيرله كل الكون لا سامع ولا يسمع
جف ميت ماينطي الراية




الشاعر الكبير ناظم الحاشي


تحياتي
محمد النصراوي

ملاحظة /// منقول

[نهر العلقمي]

http://s30gallery.com/gallery/data/media/6/2%20(316).gifنحن جند الحكيمhttp://s30gallery.com/gallery/data/media/6/2%20(316).gif

http://www.g9g4up.com/upfiles/r2u06940.gif

[نحن جند الحكيم]

تاج راسي أبو أمير حياكم الله وشرفني مروركم

[ام فاطمة]

اللّـهُمَّ كُنْ لِوَلِيِّكَ الْحُجَّةِ بْنِ الْحَسَنِ صَلَواتُكَ عَلَيْهِ وَعَلى آبائِه في هذِهِ السَّاعَةِ وَفي كُلِّ ساعَة وَلِيّاً وَحافِظاً وَقائِداً وَناصِراً وَدَليلاً وَعَيْنا حَتّى تُسْكِنَهُ اَرْضَكَ طَوْعاً وَتُمَتِّعَهُ فيها طَويلاً ..



نحن جند الحكيم

http://img27.imageshack.us/img27/9154/b9ae3fed16.gif

http://www.tawsl.net/tre7b/97.gif


في ميزان أعمالك بأذن الله

[نحن جند الحكيم]

الأخت الغالية أم فاطمة حياكم الله ، شرفني مروركم

[دلوعة الساده الساده]

بارك الله فيك

[نحن جند الحكيم]

الأخت الغالية دلوعة السادة حياكم الله ، شرفني مروركم