ديوان الشاعر جاسم المعموري [الأرشيف]

ام فاطمة

28-01-2008, 05:07 PM

http://img524.imageshack.us/img524/4368/swahlcoma508pb4bh6lv2qj4.gif

اللهم صلّ على محمد وآل محمد وعجل فرجهم الشريف

احببت ان اعمل من قصائد الشاعر جاسم المعموري هذه الصفحة ديوان من مشاركته الولائيه التي عطرها قلمه عبر هذا المنتدى المبارك

اتمنى ان اكون قدمت لو القليل من الشكر والتقدير لقلمه المبارك

http://www.aldaih.net/up/upload/ac12.gif

ديوان الشاعر جاسم المعموري

الك يحسين ....دموع العين

هَل هلال حزن ونوح /علّي منحرهَ مَذبوح
اَه يحسين.... دمع العين
عليك ويا عزيز الروح

إبن طه وعلي الكرار.....وإبن الطاهرَه الزَهره
ظل منحر كرامهَ يفيض.....لاهو دم جره بنحره
ظل ثوره وجهاد الروح.........للي يفهم الثوره
مبدأ جان ثار حسين........ ولاهو أختارَه بأمرَه
من رب السِمَه السابع.........مِن ربِّ العُله يامره
إنهَض ياذخُر لسنين.............. مِن أدَم لهَل فَترَه
بجَدَك ختمت الأديان....... وإنتَه بصبرك تعمره
جَدّك كال هذه حسين.......... منّي وأنَه من صَبرَه
ولن بالطَف بُكَه مذبوح جسمَك يالنَبي مَطروح......
أه يحسين ...... دَمع العين
عَليك ويا عَزيز الروح

هَل عاشور بالحسره .......وبذكرى المجد والجود
بالأهات ..........من يهِل علينَه يعود عاشور يمر
بي ذكرى السبط وأهلَه .......بوَقعة كربَلَه موعود
إمام البي نصوص تكول ......بقرأَن الهُدى موجود
إقرَه الفاتحه وياسين ..........وعَقلَك لايظل محدود
وأقرَه الكَوثَر البيهَه ..............لفاطِم ولنَسِلهَ تعود
صار يزيد....... وعبيد الناس عنده جنود الكفر امام
لاحك لاعدل وإنصاف ......ولا دين الأمر مفضوح
اه يحسين...... دمع العين
عليك ويا عزيز الروح

لاهليت ياعاشور.......ولاشفنَه ضِوَه هلالَك
اجيت بقهر فكد حسين .....وكدَّر للنفس فالَك
لو روحي وارواح الناس.... تفدي بكربله حالك
انه وكل أهَل بيتي ............لتراب القدم مالك
بل لَقدام جون نصير ........فدوَه واحنَه خِدّامك
صار البدَل يحسين .......العالم كلَّهَ بدالك ولون
ماصار وجرَه بدنياك ......عليك الصار وعيالك
ولاانهبَت بيوت الناس ......مثل ما نهبَوا خيامك
تعوف ...جسمك عاري ومذبوح وتالي عله الرمال
أَه يحسين...... دمع العين
عليك ويا عزيز الروح

تالي على الرمال تعوف ....جسمك عاري ومذبوح

http://www.aldaih.net/up/upload/ac12.gif

شهر الحزن والضيم ...زنجيل

شهر الحزن واالضيم خيم عليه...... كلب النبي مصيوب بالغاضريه

كلب النبى صابوه بسهام اميه ..... واصبح غريب الدين واهله الضحيه
وصارت رعايه الناس لبن الدعيه........... تتحكم بهل الناس هند وسميه

بهيمه يحط الدين اهله ورجاله ..... زحفت جيوش تريد حربه وقتاله
كطعوا طريق الماى كوم الجهاله......... يركع تريد الدين والهاشميه

سبعين الف اعداء واصحابه سبعين ...... لاهابته ولاخاف ثابت على يقين
خلوهه ذكرى اتصير سوح الميادين ...... زلزلوا حتى الكاع بجيوش اميه

انظر زهير القين وانظرلعد جون ..... الحر الرياحى بسيف هزلهم الكون
عابس يشد بحيل منه يفرون..... متثنى بالضربات اسد البريه

شاهد حبيب اشلون بيهم غداهه...... وشاهد برير بيوم نكس لواهه
ومسلم يرد الجيش غار وسباهه.... ونصرانى يفدى حسين بالغاضريه

ننظر شعاع ونور بالساحه يصعد..... هذا الى بالميدان جنه محمد
صوره وخلق واطباع بالجد تحدد ...... الاكبر يشع انوار تزهى وبهيه

جن حيدر الغارات لمن يشنهه ..... اظلم صبحه وصار ليل اليجنهه
بروس العده الطبرات سيفه يسنهه.......... ماهابته الالاف لبن الزجيه

ملبس نبل زفوه والحنه دمه...... بدال الشموع سيوف وتضوى يمه
والهودج من رماح كطعوله جسمه........ القاسم يويلى اليوم صبح رميه

يسمع ابو السجاد بيهم ينادى ...... ويذكر بهل الناس كولة الهادى
هذا الحسن وحسين مهجة فؤادى......... اولادى بالقران نزلت عليه

ويسمع يريد حسين ناصر ينصره..... ويسمع ضجيج اطفال والحاله خطره
وصار العطش لحسين كلبه ياثره................ وسكينه تترجاه شربة ميه

شد الرجاب وغار وسط المعاره......... تتراجف الفرسان لو شد يساره
وعلى اليمنه من يغير دم ايتجاره........... مبارك يعباس وينور الهاشميه

علمشرعه الالاف طرهه وسباهه ....... وحط كربته بالماى لمن ملاهه
مد ايده يشرب ماى يطفى لظاهه.......... شلون اشرب وعطشان ابن الزجيه

رد للمخيم راد يوصل كربته......... غدر وغفل عباس كطعوا يمنته
واليسره والعامود صارت وكعته.......... ناده السلام عليك يندب اخيه

ظل الامام حسين بالحومه وحده ..... ولن المثلث صاب من عده جبده
طاح وتلكه الكاع بسم الله خده ...... ناحت على الاملاك والجن سويه

مطرت دمه الاكوان من نحره حزوه..... برماح ابو سفيلن من راسه شالوه
ثار لبدر وحنين من عده اخذوه....... وينكر اصول الدين ابن الدعيه

الحاج جاسم المعموري

http://www.aldaih.net/up/upload/ac12.gif

ام فاطمة

28-01-2008, 05:09 PM

http://www.aldaih.net/up/upload/ac12.gif

قصيده حول القاسم عليه السلام

القاسم ابن الحسن عليه السلام ...... تجليبه /الحاج جاسم المعموري

اويلى على الشباب بدم يحنوهه .... بسهام وسيوف البيضه زفوهه
هودج من رماح اعداهه شالوهه ....... مبارك ياشبل وانته منهاليهه

صال القاسم وغاص بوسط هل الكوم ...... جولات الامام تحققت هليوم
انه ابن الحسن وابن النبى المعصوم .... وبن الزهره وانه الانتسب ليهه

احنه اهل الكرامه وبينه خلاهه ....... والسبع المثانى بحقنه امضاهه
ايات الكتاب وعدنه معناهه ...... والاعراف احنه النوكف عليهه

من مكه ومنى وانه ابن زمزم ....... واصنام العدو والدنه من هشم
بشجاعه ولو نطب للحومه نتحزم ....... علمنه الصميده وهسه نحييهه

توجه غاية الرايه ينزلهه ............. رايه وللعده صارت تمثلهه
من يوم السكيفه الثانى عد الهه ..... يكضى على النبى وبيته وذراريهه

تلكه سهام ورماح العده بصدره ....... كالوا هل الغلام على العلم يجره
تحمل هل الالم من قوته وصبره........ عزم وهل العزيمه ما تخليهه

الالاف النبال من العده نيشان........ ملبس عرسك ومن زفك الميدان
عريس وسيوف الزفت العرسان .......... والحنه بدماك الحره تاليهه

تلطم رمله وسكينه تون ونه ......... طير الجنه رفرف بالسمه جنه
المن هل الشموع والمن الحنه.......... خالد يومك وموعد الك بيهه

يامحله الشهاده للبطل مثلك ...... عنوان الزمن خطه على كل اهلك
من حيدر وابوك وعمك وجدك .... وعلى الشيعه رسم جيف انته واليهه

http://www.aldaih.net/up/upload/ac12.gif

ياجبيبي ..ياحسين...نور عيني ...ياحسين

صحت من كلبي بونين .... رد صدى الصوت بحنين الحاج جاسم المعموري
ياحبيبي يا حسين ..... نور عيني ياحسين

يبن طه وفاطمه يبن الرسول.... يبن كرار الزحف لمن يصول
ياعزيز الله وعزيز امه البتول.... ياحسين الكلب عنك مايحول
لا ولاينساك لو مهما تطول ... غربته عنك يبن اشرف اصول
ولا هو ينسه كربله وعج الخيول... ولا هو ينسه يوم حير للعقول
نعيش هذا ليوم باحزان وذهول ... تفيض بيه عيونه بدمع الهطول
يومنه عاشور وبكل الزمان ..... والارض كربله لو جينه بمجان
نبكه ننعاك بحنين ...... ياحبيبي ياحسين

ياابو السجاد يالاسمك عبير.... ياعطر فردوس جنات القدير
انته من جدك محمد ياحسين ..... هو منك وانته من ذاك البشير
انته من فاطم الزهره الطاهره........ انته سيد جنة الخلد وامير
ياحبيب ارواحنه شنحجي شنكول ..... جلمتي يمك يبو الاكبر تحير
لو نكول احنه نحبك ياشهيد ....... الكلب مايقبل يريد اكثر يريد
ياشعاع النور يامهجة العين.... ياحبيبي ياحسين

خطوتك يابو الكرامه بكربله .... كتبت التاريخ بحروف العله
لا سبق غيرك خطاهه يل عزيز .... وصارت النبراس عم كل الفله
هذا بالمشرق ينادى ياحسين...... وذاك باطراف الارض يهتف اله
حملت الثوار اسمك علصدور ...... وصالت بعزمك يراعى المرجله
راد يخفيهه العدو مر الزمان ..... وهيه عين الشمس وتضوى الفله
بالعناد وكال امنعوا زيارته........... ماسمعنه ولاتهمنه حجايته
سارت واصواتهه تنادي بحنين ...... ياحبيبى ياحسين

ياحسين انته رجانه البصدور ........ وانته نور وشع ضيائه علدهور
واعلنتهه من سرت حد كربله........ وكلت هذا الدين باقى ولا يبور
سارت وياك المنايه علطريق........ ماهبتهه ولاهبت شنهو اليدور
ماشفت واحد وقدم ركبته ....... ولاسمعت واحد رضه بحز النحور
لجن هذا الدرس منك عرفته.......... والشهيد الى حمه ركن الثغور
شنت الغارات علحك سايره ............. ظلت العدوان بيهم حايره
صرخه لعنان السمه تدوي برنين....... ياحبيبى ياحسين

ابد ماننساه يومك ياشهيد ....... مهما طال الزمن بيهه يظل يعيد
جن امس صاير يعيده من جديد...... شلون ننسه يوم ظل ضامي اوحيد
ناده برماح العده وناده السيوف ........... لو محمد دينه باقي لو نبيد
ناده هل من ناصر علينه عطوف.......... احنه اولاد النبى وعنهه يحيد
صمت الاذانهه وعنه عمت....... اختارت النيران اصفاد وحديد
نادت الاملاك وبوسط السماء ...... شهل الظليمه ياال اميه شهل الجفاء
وناده جبرائيل وبصوت الحزين..... ياحبيبى ياحسين

ياحسين الشيعه حفظت دعوتك ....... ولابيوم تنازلت عن نصرتك
علمتهه علكرامه بمنهجك ....... لاعلى الذل والتراخى بمذهبك
مورخيص الفاض من نحرك بيوم............ غير العالم فكرته بفكرتك
هذا دم طه محمد والبتول ........ هذا طاهر وبشهادة خالقك
مايدوم الباطل ومهما يدوم ....... تلاحقه اللعنات من يوم الهلك
هذا يومك ياحسين وياشهيد ..... ماكو دين على الارض مايذكرك
يذكر الافعالك بكل احترام ......... ويصد وبعين الكراهه لااقزام
حتى عباد البقر شهدت بحين ......... ياحبيى ياحسين

http://www.aldaih.net/up/upload/ac12.gif

ام فاطمة

28-01-2008, 05:10 PM

http://www.aldaih.net/up/upload/ac12.gif

حي المرجله وحيٌ اهاليهه ...علي الاكبر

حى المرجله وحى اهاليهه ....... نفخر هل الرجال ومن نسميهه
سيف الحق ميقبل الى بيديهه ....... نقصدك ياعلى الاكبر يواليهه

عزم عزم الرجال وكلبه يتفطر ..... يغير على العده وينشد على الاكبر
انه ابن الذى روس العده طبر ........... وبليل الهرير وعملته بيهه

يكول انه على وانه ابن حيدر ..... وينه الى نعت جدى ويكول ابتر
انه ابن العفيفه الطاهره الكوثر .... سوره من الكتاب تخص معانيهه

يكول انه على واحنه بنى هاشم....... لا بينه الكفر لو ساند الظالم
ابو سفيان جدكم للشرف عادم ..... وسميه امكم وهند وجواريهه

ابويه وحيد باقى ولا اله اعوان......... ابن مكه ومنه ويمثل القران
من نسل الامامه وشجرة الايمان .... واحنه اهل الكرامه وعدنه تلكيهه

صال الاكبر وصار بوسط هل الناس ...... وبحملاته جنه صاحب النوماس
خلاهه جثث بالحافر وتنداس ........ تتراجف فزع لو يهجم عليهه

شد على الالوف بصارمه البتار ...... جن حيدر يلوك بيمنته الفقار
فرغت ساحة الحومه وغدت طشار ...... متلحك تلوذ ولو وصل ليهه

تهابه الميمنه لو شد على اليسره ....... يخطف هل الرواح بيمنته الحره
يشبه حمزه والطيار اله عبره ........ شجره والشجاعه ماٌصلهَ بيهه

اندعت ليله الهى اترجع المهيوب ..... يل الرديت يوسف من دعى يعكوب
وليدى من العطش كلبه اظن مصيوب....... وسهام ورماح الزخت عليهه

الاكبر زفته سيوف العده زفه ...... بجه الميدان حن وجنه يعرفه
شاف المعجزه من مالت الجفه ....... واحد وانكلب سافلهه عاليهه

الحاج / جاسم المعموري

http://www.aldaih.net/up/upload/ac12.gif

شلون ابو السجاد عل الغبره جتيل

شلون ابو السجاد على الغبره جتيل ..... الحاج جاسم المعموري

شلون ابو السجاد على الغبره جتيل ........ وخته على التل تندب الجدهه بعويل

نادت الجدهه وتهل دمعة العين ....... هنا يجدي بكربله كتلوا حسين
ومشٍَِوا اطفالك يجدي مجتفين ........... بيهم سكينه ورقيه والعليل

نادت بصوت الابوهه حيدره...... هنا يبويه اكعد اوشوف الجره
راحت اولادك ضحايه علثره .... وراح ابو فاضل الجان النه جفيل

اجن كلهن بالنواح الحومته....... ليله وتشمه وسكينه ضمتَه
رباب لتفيله واخرى الحبته..... ركيه تنشد وين ابوهه بل العويل

شم وريده الفرس ونعاه وصهل..... شهل الظليمه يصيح وانكر للفعل
مرغ الناصيته وارمح بالرجل ........ وللمخيم كصد محزون وثجيل

ظل جسدصاحب الشيمه على التراب....... من بعد مارضته خيول ونصاب
والجفن ذاريهه لو دم الخضاب .......... منظرك اثر بعرش الله الجليل

جسد طاهر ينتقل بين الاصلاب ..... شامخه بمجد ومهابه والصواب
نصت الايات من رب الكتاب ....... ذوله اهل الدين والصبر الجميل

جسد طه وجسد حيدر على التراب..... وجسد فاطم كطعته سيوف وحراب
ماكفاهم داسته خيول الضراب .......... خذوا ثار الكل صنم ميتة جتيل

مشت زينب بيهم بذل وهوان ....... بنت سيد الكون كله والزمان
بت علي الكرار خلوهه بمجان ......... مايلوك ولا اله بغيره مثيل

ليله بيهم بيهم ايتام وحرم ........ بهل الهجير رمالهه تشوي القدم
والرجس يضرب نواصيهه بالم .............. ويشتم الكرار باحقاد وغليل

بالخرابه سكنت وياهه الاطفال ..... يلوج هذا وهذا ابن بزر الدلال
غيرت الوانهه سود الاحوال ..... تبجي ساعه وساعه يشتد العويل

بالخرابه شلون بيت اهل الوفاء ....... وجانت الاملاك تسجد له بعناء
وجان جريل الامين على السماء .......... يزورهه بقران نازل والدليل

http://www.aldaih.net/up/upload/ac12.gif

ام فاطمة

28-01-2008, 05:13 PM

http://www.aldaih.net/up/upload/ac12.gif

قصيدة ياثار الله وثار حسين

ياثار الله وثار حسين ..... الحاج جاسم المعموري
ياثار الدين واركانه ..... وفروعه الظلت حزنانه
متعطله وباتت حيرانه ..... تنادى بلوعه ضاع الدين
ياثار الله وثار حسين
ياهادي الامه وسيدهه .... بدروب الحك وقائدهه
غيرك يحسين وماعدهه.... توفيلك هليوم الدين
ياثار الله وثار حسين
ياثار الجلمه المحموده ...... من جدك وفاهه عهوده
من وضح هلدين حدوده ..... من كال احنه الملتزمين
ياثار الله وثار حسين
ياثارك حيدر ياثارك ...... سكيفتهم ظلت تبرالك
لو يوم الدار اوصالك ...... وصه وداروا ليك العين
ياثار الله وثار حسين
ياثار الفاطمة الزهره .... تبكه الروح عليج بحسره
ياهم نواسي وياعبره..... من اولادج هل الطيبين
ياثار الله وثار حسين
ثارج بولادج يالحره .... هم مسموم وهدموا كبره
اواحد مذبوح على الغبره.... اواحد كطعوله الجفين
ياثار الله وثار حسين
يازينب ثارج يازينب ..... حالج يالمهظومه يصعب
من هم واحد غيرج يتعب..... همج لا ميه وميتين
ياثار الله وثار حسين
سكينه بسوط الي يضربوهه ..... ولاتبجي تنوح يخلوهه
كل هذا وتالي يشتموهه ...... وينك ياحيدر هل الحين
ياثار الله وثار حسين
ركيه الطفله الى يتموهه...... براسك يالغالي يواسوهه
من شافت صاحوا شيلوهه..... ماتت على الراس بهل الحين
ياثار الله وثارحسين

http://www.aldaih.net/up/upload/ac12.gif

ناده ان لم يستقم دين الامين.....قصيده

ناده ان لم يستقم دين الامين........ اخذى روحي ياسيوف الظالمين
رد نداء العرش وبصوت الحزين ..... انته نور الفرقدين ياحبيبي ياحسين

ياحسين شلون اوصف حالتك ...... بيوم ضامي وجمره صارت جبدتك
بروح طه واجهت جيش الطغاة.......... بروح ابو سفيان جتي تحاججك
بهيبة الكرار امير المؤمنين ............ وهمه بكلوب القساة تحاربك
بكل معانى الخير قدمت النصح .............. بالنبال وبالحجاره تجاوبك
يمطر لسانك فصاحه بالخطاب ......... لسانهه بابشع وصف ويخاطبك
تنظرالهه بعين عطف ومرحمه.......... وهيه بعناد ال اميه تنازلك
ناده صوتك بالحنين ........ ياعرب يا مسلمين
انه ابن طه وسيد المتقين ...... ياحبيبى يا حسين

خاطبت يحسين اشباه الرجال ..... وظل خطابك سيدي اشرف مقال
يكلهم انه المصطفه بروحه ودماه....... وامى فاطم والابو سيد الرجال
وصفت هل الدنيه الهم من كلت ........ هاذى عبره وبيهه تتغير احوال
مثل طير الدبه لو مثل الفراش .......... عاهدت شيطان وتريد القتال
صمت الاذانهه وطرشه اصبحت........ والجواب الصار بالاف النبال
هاى فلتات الزمان ........ تشيخ الطاغي الجبان
تكالبت عالصالحين ........ يا حبيبى ياحسين

عباء اصحابه حبيب المصطفه ..... 78ليث اصحاب علم ومعرفه
كلهم خيار وكرام وصالحين ....... والهم الساحات تشهد بالوفه
من حبيب ومن زهير ومن برير ..... وعابس وجون الي معروف الصفه
بيهم الحر الرياحي وحنضله ......... ولو سعيد ولو وهب من كلفه
هذا نافع ذاك شوذب لو كلت ....... مسلم وبن عوسجه الكلبه شفه
والى ناده يااميري ياحسين ....... ياسرور الكلب طه المصطفه
زارت اليوم الاسود ...... بالنفوس احنه نجود
نادت ليوث العرين ........ ياحبيبى ياحسين

لو تشوف حسين تشهد منظره ...... وحيد وبذيج الصحارى المقفره
عزمه من حيدر ومن طه الرسول....... عزمه ماتلويه ناس الفاجره
رغم ماسارت وضعنت هالرجال........ بعد ما ضاكت الموت موذره
بحال ما يسقط على الارض الشهيد....... حيدر وسيد رسلهه اليحضره
بايدهم يسكوه من كوثر العين ..... وثوب اخضر من حرير اليستره
يوصي بيهه حسين لو رادت نزال ........... علاثر نمشي وراكم لو سره
نادت النار بوعيد ......... الويل للبايع يزيد
خالد بجنة الدين ......... ياحبيبى ياحسين

ال هاشم برزت الساحاتهه ....... وهيه مجبوره وتخوض اغمارهه
لجن وضع الدين اصبح بالخطير....... ركزت بي ال اميه اركانهه
ابن هند اوالده ابنه يزيد ................ حنت السالف عهد واوثانهه
ولو بني العباس زادت بالافعال ....... عشر اضعاف وتزيد احقادهه
والاجه خلاف ولحد هذا الزمان ....... هاي سيره ولازمت طغيانهه
نزلت وبكلوب تهتف ياحسين ......... وبنداء الله واكبر فلقت هاماتهه
زلزلت حتى الارض ....... بالعده صارت ترض
تنادي سيد الثائرين........... ياحبيبى ياحسين

ظل وحيد حسين وبذيج القفار ...... جنه جده المصطفه بذاك الوقار
جنه ابو الحملات حيد لو زحف ........ من يسل سيفه عليهم ذى الفقار
جنه حمزه جنه جعفر من يغير ...... هذا صنديد الهواشم واسمه صار
من النبى ابراهيم عزمه وحكمته....... جنه موسى بيوم حقق انتصار
شبه عيسى وشبه داود الشجاع....... شبه يحيى علرمح راسه يدار
ظل ابو السجاد ثابت موقفه............. والنبل يمطر عليه مثل النثار
يدعوا هل من ناصرين ...... جدي سيد المرسلين
لاجواب ولامعين ............. ياحبيبي ياحسين

ياابو الاحرار يل اسمك فداء....... شلون يومك يوم عاشر كربلاء
نفسك الحره الابيه الطاهره.......... تحملت ذاك الجهد ذاك البلاء
عاطش تغير بصلابه ومرجله ....... ريت نفسي تروح لقدامك فداء
موقفك علم الابطال الدروس........ لو تدارك دينهه وعز النداء
وكفت بالساحه وتناد الظالمين ..... وانته واثق بالنتيجه من الاعداء
لو محمد دينه باقى علبشر .......... لو تصير ارواحنه دونه الوقاء
دارت عليه السيوف ويه الرماح...... وبكه ذاك الصوت يصدح بالسماء
هذا دين اهل الوفاء ........ ظل حسيني البقاء
انته نور الفرقدين .......... ياحبيي ياحسين

الحاج جاسم المعموري

http://www.aldaih.net/up/upload/ac12.gif

ام فاطمة

28-01-2008, 05:22 PM

http://www.aldaih.net/up/upload/ac12.gif

قصيدة قصة ومقتل الامام الحسين عليه السلام

ياحبيبي ياحسين..... نور عيني ياحسين
والله نبجيك بحنين..... يبن فاطم ياحسين
أَمُر مِنْ الباري يِعْلِن دَعْوِتَهَ
وشائَت ألأقدار مِنْ اختارته
الله راد حسين يكتب قِصّته
حَتَى يلقي ألحِجَهَ وَي ايمانهه

>>>>>>>>>>>>>>>>>>>>>>>>>

راح يَمْ جَدَهَ بحِزِنْ وبعَبرِتَهَ
سالَت دمُعوعَهَ ونحب يم حضرته
هَوِمَتْ عَينَهَ وإجاه بيَقْضِتهَ
توَكَل وَأنتَهَ الشهيد الدينهه

>>>>>>>>>>>>>>>>>>>>>>>>>

توَجه لمَكَهَ ولبَس مِنهه لاحرام
وراد حَج البيت ويزور المقام
تأَمَرَت أَهلِ السكيفه على ألأمام
رادَت أتجِتلَهَ بأَمُر شيطانهه

>>>>>>>>>>>>>>>>>>>>>>>>>>>>>

أحتَرَم بيتَ الله وتُوَجَه للعِراق
ولاتصيب الكَعبهَ من اهل الشقاق
ولاالحج أتعَطلَهَ أصحاب النفاق
كَعبهَ صارت حَضرِتَهَ واركانه

>>>>>>>>>>>>>>>>>>>>>>>>>>>>>

وِصَل لارض الوَعَد مِنْ ارضِ الطفوف
سارت وياه المنايهَ والحتوف
ولاخِطَرْ بالبال خُوف ولاعزوف
ماضي بسم الباري عَزْمَهَ العانهه

>>>>>>>>>>>>>>>>>>>>>>>>>>>>>>

خيَم بوادي الطفوف بكربله
زينب بفيض الدموع وتساله
شلون بطفال وحرم والعايله
غيٌرت حَرٌ الشمس الوانهه

>>>>>>>>>>>>>>>>>>>>>>>>>

صبري ياخويه على هذي الدموع
ذكري ابوج وطبرته بيوم الخشوع
وذكري أُمّج هَشّمَواإله الضلوع
ثار أميّهَ تريدَهَ مني شانهه

>>>>>>>>>>>>>>>>>>>>>>>>>

يوم صَبَّح بالهوايل والكروب
تأَمَرَت عل الدين اصحاب الذنوب
ونادت الكفّار واصحاب العيوب
صُوت ابوسفيان صاح مجانهه

>>>>>>>>>>>>>>>>>>>>>>>>

الليل جَلْجَلْ ساعِتَهَ تمشي بعَجَل
ولأصحاب ألهُم دوي مثل النحل
بين قاري أوساجِد بلايه ملَلْ
ذُولَهَ موش أهل السكيفه اصحابهه

>>>>>>>>>>>>>>>>>>>>>>>

بيهُم الحُر بيهُم المُخلِص برير
وعابس المغوار بيهم من يغير
ولو حبيب أوقيس أصحاب الضمير
ليوث غاب اوزلزلوا ميدانهه

>>>>>>>>>>>>>>>>>>>>>>>

وصاح ذاك الشاب يابدر المنير
ياأميري حسين يانعم الامير
ماشفت بالناس الكم من نضير
يبن بدرين العلى وميزانهه

>>>>>>>>>>>>>>>>>>>>>>

بأحُد صاح الطاغيه ينخه بهُبَل
بعد مستَشهَد الحمزه ونجتل
نعاد ذاك الصوت من أهل الجهل
لاوحي النازل ولاقرأنهه

>>>>>>>>>>>>>>>>>>>>>>

أَل هاشم نزلت الساحةالجود
خلَّت أعداء الحقيقه والوجود
تزحف على الكاع مقطوعه الزنود
وصاروا بيوم الوغى فرسانهه

>>>>>>>>>>>>>>>>>>>>>>>>>>>

بيهُم ألأكبَر ومن تُوصف تحير
سَوَّه مثل الصار وبليل الهرير
شبل حيدر ماونَهَ عليهُم يغير
من العطش روحه وتشب نيرانهه

>>>>>>>>>>>>>>>>>>>>>>>>>

يوسف ولو شاف ألأكبر منضره
شكله ورسومه وجماله ومحضره
وكلمن الوَصَف ألأكبر حَيَّرَهَ
ألنبي هذا ألّي وسط ميدانهه

>>>>>>>>>>>>>>>>>>>>>>>

رَملَهَ بالميدان تشعلّه الشموع
وحنّة العريس عجنَتهه الدموع
ياوديعة فاطمة البين الظلوع
ياذخر سبط النبي وشبانهه

>>>>>>>>>>>>>>>>>>>>>>>>>

لاتنكروني وأَنَهَ سبط الحسن
نجل طهَ المصطفه والممتحن
أذب عن عمي النوايب والمحن
هذا جسّام وشبل عدنانهه

>>>>>>>>>>>>>>>>>>>>>>>

صاحت الأطفال ياعمنه الشهم
ياكُمَر بين الهواشم والزلم
والله هذا العطش زَيَّد للألم
شنهو رايك تطفي حر نيرانهه

>>>>>>>>>>>>>>>>>>>>>>>>>>>>>

أخذ كربَهَ وكصَد عند المشرعه
ولاتجَّرَتْ هلجيوش وتمنعه َ
أربَعَة ألأف طَشَّرهَهَ وسَعَهَ
يشرَب الماي وذكر عطشانهه

>>>>>>>>>>>>>>>>>>>>>>

صاح أنا ألعباس أغدو بالسقه
ولااخاف الموت يوم الملتقى
نفسي لَبْنِ المُصطَفَهَ الطاهر وِقَهَ
مِلَهَ الكربَهَ وارغم العدوانهه

>>>>>>>>>>>>>>>>>>>>

زلزل الميدان وارغم للأنوف
غدرتَهَ الماعدهَه غيرَه بالطفوف
وكطعَوا منيد الكرَم ذيج الجفوف
جفوف ابو فاضل فخر عدنانه

>>>>>>>>>>>>>>>>>>>>>>

أنكسر ظهر حسين ظل ضامي أوحيد
بين شُذّاذ ومُجرمين وعبيد
طلَب ماي ولاإله سامع مُجيب
أشترَت دنياهه برِضهَ شاطينه

>>>>>>>>>>>>>>>>>>>>

لبَس لامَة حَربَهَ ياويلي ألأمام
بين طَعنِ رماح وسيوف وسهام
لاتوانَهَ وضعَف مِنْ كثر الزحام
ليث وتهاب ألأسد شجعانهه

>>>>>>>>>>>>>>>>>>>>>

أخَذ طير الجَنَهَ وبساعده يشيل
صار عبدالله الطفل بالطف دليل
ذبحته المابيهه ذمَهَ ولاأصيل
رَفرَف الطير وهُوَت جنحانهه

>>>>>>>>>>>>>>>>>>>>

ناده إن لم يستَقِم دين ألأمين
ياسيوف أخذيني بس سالم الدين
وسالمه أركان ألهدى ونور اليقين
إحنه للدين الفدَهَ ابدانهه

>>>>>>>>>>>>>>>>>>>>

دارَتْ عليه الفِرَقْ اربَع صفوف
بالحجاره وبالرماح وبلسيوف
نادهَ هَلْ مِن ناصر ويانَهَ عطوف
يفوز بالطاف العُله وجنانههَ

>>>>>>>>>>>>>>>>>>>>

نادََه أَنَهَ حسين لاماانثني
امي فاطم ولأبوا حيدر علي
ولا أنَهَ مبايعكُم واعطي بيَدي
نفس معصومه احترمهه وصانهه

>>>>>>>>>>>>>>>>>>>>>>>

وكَف بالساحه ألأمام ويستريح
ولَن حَجَر جَبهَة الدين ويستبيح
شال ثوب العِزََهَ ولدَمَهَ يزيح
مثَلَثْ بنُص الكَلُب نيشانهه

>>>>>>>>>>>>>>>>>>>>>

لكَلُب طهَ النبي مثلث سهم صاب
وكَلُب حيدر هالسهم صَوَّب وعاب
صَوّب الفاطمه من كسروا الباب
سهم أميّهَ البي غدر عنوانهه

>>>>>>>>>>>>>>>>>>>>>>>>>

ويلي طاح حسين عالغبره بألم
من بعد ماصَوّبه بكلبه السهم
أخذ حيلهَ وضهد من عدّهَ الهمم
دار عينه الزينب ونسوانهه

>>>>>>>>>>>>>>>>>>>>>>>>

نادته المهضومه خويه ياحسين
إنتَهَ مَيّت لو عَدِل يا ضوه العين
صعدَت عالتل تناديه بونين
أه يجدي ودحضر لميدانهه

>>>>>>>>>>>>>>>>>>>>>>>

بجَهَ يَمَهَ الفَرَس ونعاه وصِهَل
وصاح ينكُر للجريمه وللفعل
مرّغ الناصيتة من دَم النَفِل
توَجه لصوب الخيم بعنانهه

>>>>>>>>>>>>>>>>>>>>>>

أجَن نسوان الكرامهَ الحومتَهَ
وَحدَهَ تلطِم وحدَهَ بُويَه نادتهََ َ
وزينب المهضومه كامت حضنِتَهَ
بجَتْ املاك السِمَه لاحزانههَ

>>>>>>>>>>>>>>>>>>>>>>>>>>>

نادَهَ طاغي الجيش إنزِلْ ياشمِر
رَيّح المَصيوب وأنهي هل الامر
بادَر المَلعون ويحزّ النَحَر
12ضَربَهَ بسيف طاغي زمانهه

>>>>>>>>>>>>>>>>>>>>>>>>>>

على الراس إدِكْ أجَتْ يَمَّهَ وتصيح
وَين عين المرتضى تشوف الذبيح
عيالك وصارت عداك التستبيح
أنهضلهه ولا هو أحَّد عانهه

>>>>>>>>>>>>>>>>>>>>>>>>>>>>

نزلت الأملاك وي ألأنبياء
نصبَت بكربله بالطف العزاء
السمَهَ غضبَتْ بالأرض عَمّ البلاء
مطرَت الدنيه دماء اركانهه

ه>>>>>>>>>>>>>>>>>>>>>>>>>>>

http://www.aldaih.net/up/upload/ac12.gif

لوعني فكدك يالشهم بالغاضريه....قصيده

لوعني فكدك يالشهم بالغاضريه ...... اوفكدك يعباس النفل راعي الحميه

على التل اصيح وانتخي ياجدي احمد..... وندب ابويه وشيمته ماجاوب احد
وبحركه انظر للنهربعيوني ياجد ...... وينك يسبع الكنطره وتنغر عليه

شفتك جسد فيض الدمه وصاير خضابه.... وشفت السهم يبن امي جن بكليبى صابه
وشفت النحر سيف العده لو نحري عابه ..... وشفت العده ترض الصدر بخيول اميه

حركوا خيمنه بلا رحم ياخويه هل اليوم ..... ضربوا خواتك على المتن نهبونه هل الكوم
ركضن يخويه بلا وعي واطفالك تحوم ........... نيران اميه بهل الحقد شبت عليه

جيتك يخويه خايفه وكعدت يمك ..... ويايه هل النسوان كل احنه عندك
ردنه نضمدلك جرح ردنه نكعدك ...... ياكتر اشيله من الجسد يوكع بديه

سكنه التفى علي الجسم ليله التشمك ..... ودك رباب على الصدر رمله تندبك
وركيه تبجي لوعتك بويه وتكلك ..... واهل الكسه بلوعه تون تنحب سويه

جيت ولكيت اهل الغدر مشغوله بامره ... ولن الشمر يهل الرحم حط على صدره
وبسيفه بامر الطاغيه يكطعله نحره ..... صحت بكلب فاض بالم لمي الزجيه

ياخويه امشي عنك وايتامك تلوع ..... بهذا الهجير وتشتكي عطشانه والجوع
هذا اليلوع بحسرته والثاني مفجوع ......... حرت اجمع التاه وشرد للفاطميه

للعلكمي صار الكصد لبن الصميده ..... جيت ولكيته على النهر مكطوعه ايده
لايمنته ولايسرته وحزوله جيده ...... وشفتك يسهم الصوبت عينه الابيه

الطم وصيح بحسرتي ياخويه عباس ..... رد النهر ينعى اويون جن عده احساس
هذا البطل وبصولته ماهمته الناس ........ ولاهمه يروي جبدته يذكر اخيه

لوعني فكدك يالاخو وغيرلي حالي ..... ضرب وسبي ومعذبه محد برالي
ولاخلة اخواني التمر جانت ابالي ..... ولاشوفك بضيم وجتل وصبح سبيه

بت حيدر انه وياهظم ويسلبوني ....... وبمجلس الطاغي اصبحت ويعيروني
انحب ودير بناظري ويضرب متوني ...... ولاواحد البيهم شهم ينغر عليه

كوم ال اميه بهل الفعل تثار لهلهه ..... منهه الغدر منهه الظلم منهج حكمهه
تحن على ماضي الفات تنخه بوثنهه ..... شاهد ابو سفيان شاهد سميه

الحاج ....جاسم المعموري ...... طور بحرانى (زهيرى)

http://www.aldaih.net/up/upload/ac12.gif

ام فاطمة

28-01-2008, 05:24 PM

http://www.aldaih.net/up/upload/ac12.gif

قصيده ..يالكمر اسمك شجاعه حروفه..العباس..

يالكمر اسمك شجاعه حروفه...... شلون طاحت راية وجفوفه
العلكمي وي رايته ..... وبجت حتى كربته
كتب تاريخ المجد بحروفه
كمر هاشم عزم وبعزمه الحتوف ..... من حمل راية محمد بالطفوف
حمل رايات الكرامه وصارمه ...... وكربه ظلت للزمن وياه تطوف
شهل الصبر ياكمر هاشم بالخطوب ..... علمك حيدر ومتهاب الالوف
ياهو مثلك قاتل اعداءه وصمد ........ ولاتوانه بيوم كطعوله الجفوف
بالعقيده الخالده ...... من حقيقة والده
كتب تاريخ المجد بحروفه
لونشوف الاسم وحروفه شهدف ..... من معاني الخير من اشرف سلف
العين من حيدر على هذا الحرف ........ من رست ام البنين على الجرف
وباء من باب النبوه والعلم ....... صدرك الواسع ومن عده غرف
والاف من لفظة الخالق صدر ...... هذا من ربك الك عون ولطف
سين من طه النبي ...... اسم ياسين الابي
كتب تاريخ المجد بحروفه
هل الاسم صار الدليل بكربله ...... لو كصد زاير يريد المساله
لخو زينب ماشيه وتهمل دموع ...... ياجفيل الحره وتنادي المله
يبو راس الحار ياضيغم يحيد ..... ياابو الكلفات هاي المشكله
هذا ابو فاضل واكرم بالكريم ........... بيتهم مهبط ملائكة العله
روضه من جنة عدن .... مرقدك يامؤتمن
كتب تاريخ المجد بحروفه
شلون خط حروف اسمه بمفخره .... وراية الاسلام كله وماحوه
هذا يوم وشابه الخندق بيوم .......... برز كل الدين للكفر وبره
ثابت بساحاتهه يصول ويجول ...... اني انا العباس ابنك حيدره
هذا يوم وشابهت عمك بيوم .......... جعفر الطيار وعليه شجره
فزت بالحور وجنان .... جنت لحسين الامان
كتب تاريخ المجد بحروفه
خلى نسال كربله وساحاتهه ..... ونسال ركاب العده وراياتهه
ونسال الرايه الطاحت على الجرف..... هذى اشرف رايه من راياتهه
ونسال ركاب العده عن الجفوف..... شسوت بجسم العده طبعاتهه
هالجفوف الهزت بخيبر الباب ..... حزت بارض الطفوف ركابهه
اه يكربة كربله ..... راحت اصحاب العله
كتب تاريخ المجد بحروفه
اه يبو فاضل من جفوفك هوت ...... جن سماء الدنيه وفلاكه هوت
كربتك يابو العزيمه والنضال...... روت كلوب اليتامى لوسكت
تمثلت من حيدر ويسكى الايتام ..... ولاهو نفسه من الطعام الى شبعت
غدر طاحت منكم جفوف الكرام......... لو تكابلكم ابد ماهي كدرت
ظلت جفوف النفل ..... تحمل اسرار العدل
كتب تاريخ المجد بحروفه
جينه ننشد لن يجاوبنه النهر ...... العلكمي مهظوم واصبح جل الزهر
شلون ضامي يظل حبيب المصطفه.... وماي تشرب منه اشكال البشر
كتله يالعباس احفظ هالعمر ......... اشرب الماي وتكوه على الصبر
رد عليه بحيل حيدر وانتفض......... انه لحسين الفده هذا العمر
شفنه مكبض رايته...... جفوفه بيهه طبعته
كتب تاريخ المجد بحروفه
هناك لن اسمعنه صوت ويا نحيب ....... هظم تبجي على الشهيد وحالته
رحنه يم الصوت لنهه كربته ............ كالت اكعد خلي اسولف قصته
جنت بين ضلوعه واسمع مايكول........ راد عذب الماي يوصل عيلته
ومن تبده الماي بسهام الغدر ........... تحير العباس واهمل دمعته
الكربه صاحت واندبت..... على العباس وبجت
كتب تاريخ المجد بحروفه
الحاج /جاسم المعموري

http://www.aldaih.net/up/upload/ac12.gif

قصيدة حول القاسم ابن الحسن عليهم السلام

القاسم ابن الحسن عليه السلام ......... الحاج جاسم المعموري
رمله بحزنهه تنادي يوليدي يجسام ..... عمك وحيد بكربله يبني يضرغام
كوم انصر الدين......... يبن الميامين
خليهه ذكرى بكربله وجاهد الظلام
يبن النبي المختار والهاشميه...... يبن الزجي المظلوم يبن الزجيه
يبن الصميدع على حماي الحميه..... كوم انصر المظلوم بالغاضريه
يبني يجسام ...... عمك لينظام
ساعتك حانت للوفه يبني يضرغام
يوليدي دهري وياي ما انصف وجار..... فكد الحسن يوليدي خلاني احتار
عمرك يبعد الروح جن مرت الخطار ..... ريت القدر مكتوب وعليه يندار
ياساعة البين ..... يمي تحولين
ولاشوف يومك يالولد من عينك تنام
بالمهد جنت صغبر واتمنه انه..... تتخطه للعشرين تصبح رجانه
انظر وشوفك عود يزهي بزمانه..... ماجت احسب يوم للطف غدانه
طف كربله النوب ..... والوعد مكتوب
والخفه علينه من الدهر تظهره الايام
اتمنه وسله الروح بيك الاماني ..... بحبك يبعد الروح كلبي بلاني
رتك سند يايوم دهري رماني ..... تحضرني يبني يوم حيني واواني
تحضرني بالموت ..... تحمل التابوت
وتواري امك بالكبر يبني يجسام
جسام وسط المعركه بدر بتمامه ...... ذهلت الوادم هيبته عزمه واقدامه
هذي الهواشم لو غلت بيهه الشهامه.... باعت الدنيه واشترت يوم القيامه
ذوله الميامين ..... منذوره للدين
بيهم نزل نص الكتاب والهم احكام
لو رفت الرايات واغطس سماهه ..... تلكه الهواشم نار يلهب لظاهه
لوغربت هالناس ثابت لواهه ..... ولو شرجت لبطال يشتد رحاهه
الواحد بسبعين ..... اسد الميادين
والهاشمي بنص الوغى ثابت الاقدام
غاص بجموع الناس سبعين الفهه .... ماراعته الالاف صال وكصدهه
احنه اصول الدين واحنه فرعهه ..... يهتف بعالى الصوت جاكم نجلهه
نكس الرايات ..... ولماشرد مات
ابن الصميده حيدر البحرب مقدام
اشعل شموعك جان والحنه بيدك ...... يوم الزفاف يصير يوليدي عيدك
بدال الشمع نشاب صوبولي جيدك ..... بدم الوريد اليوم حنولي ايدك
بالنبل زفوك ..... بدماك حنوك
مبارك يشبل الماونه ولا عاف الزمام
وسط المعاره وصاح ياعمي يحسين ..... مني السلام عليك يا كعبة الدين
وفيت انه للدين من هل المطاعين ..... هذا العمر يفداك يبن الميامين
ياعمي يحسين ..... فركنه هلبين
تذكرنه شيعتنه بفخر كل سنه وكل عام

http://www.aldaih.net/up/upload/ac12.gif

استغاثة الامام الحسين في يوم عاشورا

دنصروني...... دغيثوني .... الحاج جاسم المعموري

ولا بيكم تعينوني

كال ابو اليمه كلامه....... وبلغ الحجه بمقامه
هذا مو انسان عادي..... هذا حجة الله وامامه
هذا دين الله وكتابه........ هذا قران بتمامه
هذا ادم من تكون ...... نوره وبنوح انقسامه
يسال ابراهيم ربه....... ينشمل من هم كرامه
مارعوني ...... ولسمعوني
شربة الماي امنعوني

توجه عليهم يخاطب........ يسال الكوم وشجاهه
يحمل القران بيده......... يحاجج الناس بعماهه
انه من حضرت محمد......... انه روحه ومصطفاهه
انه ابن مكه ومناها.......... انه ابن مروه وصفاهه
انه من خير البريه....... انه ابن فاطم واباهه
عمي حمزه وعمي جعفر...... اشرف انساب الحواهه
انه موسى وانه عيسى ........... والذبيح الى فداهه
ولون تردون الحقيقه......... سالوا جابر عن مداهه
عاندوا كل هذا منه.......... وجاوبه سهام الرماهه
جذبوني ....... ومارعوني
بالسهام وجاوبوني

عبا اصحابه النشامه........ لحرب ابو سفيان عدت
قدموا نصح وخطابه.............. منهم الدنيه تعجبت
لبسوا كلوب المنايه......... علدروع وبيهه فزعت
هذا جون وذاك عابس......... وحي برير البي تجلت
نصرة حسين وعياله........... ولو حبيب العده فارت
نخوة العربي الاصيله........... ولو زهير البي تاكدت
هذا نافع ذاك شوذب ............... يانعم للحر تسمت
وانظر النصراني وامه.......... ساعة الحك من تقدمت
يفدي لحسين بمهجته........ عن ولائه اعدائه سالت
ناصروني ......... وازروني
وبالبلايه شاركوني

نهضوا اولادي واخوتي ........ عن شمالي وعن يميني
واول الي ضحه منهم .......... الاكبر وثارت شجوني
قدم القاسم شبابه....... محمد وعون انصروني
جعفر وعبدالله ابلوا.......... واظهروا عز وتفاني
والمصيبه الكبرى حلت........... من برز عزى واماني
اقسم ويسكي العطاشه......... العلكمي المنه امنعوني
يهتف بنص العساكر ........ احمي هل الدين بيميني
غدرته الايدي الاثيمه............ راية وجوده اندبوني
روعوني ........... بضي عيوني
بالعضيد وحيروني

انظر اعدائي وجمعه.......... كلهه تتقصد حياتي
ولو دينك يامحمد ........... يستقيم الا بمماتي
ياسيوف اخذيلى عمري............. وياطفوف انته رفاتي
توجهت للكوم ايس........... اضرب بسيفي وعداتي
وسهم المثلث رماني ............ سمه يسري بكل جهاتي
طحت ساعته على خدي........... واسمعت صيحة خواتي
ظلن يدورن عليه................... زينب وياهه بناتي
والفرس يصهل ظليمه................... يكلي دنهض يا اغاتي
وصاحت الحره بشجاهه...................... ياهلي ويا كل حماتي
الحكوني .......... يسروني
وعلهزل رغمه اركبوني

http://www.aldaih.net/up/upload/ac12.gif

ام فاطمة

28-01-2008, 05:26 PM

وان شاء الله اكمل معكم هذا الديوان كل ما نزل بالمنتدى شعر ساقوم باضافته هنا

SALAM_313

28-01-2008, 07:02 PM

عاشت ايدكم ام فاطمة خطوة جميلة وكريمة ويستاهل كل خير الاخ الشاعر المعموري فقصائده تنبض بالعشق الحسيني والحب المحمدي الاصيل

ابو ثمامة

28-01-2008, 08:16 PM

اللهم صلي على محمد وال محمد ....اولا انا خادمكم الاصغر وخادم لكل مؤمن شريف يؤمن بالله ويخلص لدينه وعقيدته السمحاء عقيدة الحق المبين الذي جاء بها سيد الاولين والاخرين محمد واله الطاهرين فمن افضل ممن هذٌب اخلاقه وحسٌن طريقة تعامله مع الناس ليكون مباركا عند الله ورسوله ..وقد وجدت فيكم هذه الصفات الطيبه يااخوة الدين والايمان..سيدي العزيز الاستاذ سلام ..سلٌمهُ الله من كل سوء وبلاء بحق محمد واله ..والسيدة الجليله ام سيد ياسين ..ام فاطمه... وابو مرتضى وعاشقة اهل البيت وخادمة الحجه ..وسيدي نحن جند الحكيم ..ولاانسى الاخوه الباقين ..وهذا عملك يا استاذ سلام بتنظيمك ديوان للشعر لهو عمل مبارك ولك مني الشكر والامتنان..ويدل على سمو التعاون في طريق الله سبعانه

شكرا لكم من اعماق قلبي وسيرى الله عملكم ورسوله والمؤمنون.....خادمكم الاصغر ..جاسم المعموري

ام فاطمة

28-01-2008, 09:07 PM

http://www.aldaih.net/up/upload/ac12.gif

حرت اجمع يتامى حسين ..قصيده ليلة 11محرم
حرت اجمع يتامى حسين ....... الحاج /جاسم المعموري

حرت اجمع يتامى حسين ..... لو اتوجه الجسمه
الراس ويه اليساره يروح .... جسمك من يظل يمه

تولاني الهظم يحسين .... من ساعة مشه الحادي
اسال والكصد لاوين .... يجاوبنى الصده ينادي
الج موعد يبت حيدر .... بطف كربله بالوادي
هناك والكدر مكتوب .... هذا الامر مو عادي
امج مرمرتهه احوال ..... علنسوان ماسادي
يوم الباب والبسمار .... بظلوع النبى غادي
ولو بالمسجد برمضان .... من طبروا اخو الهادي
سيرى الكربله وشوفي .... شخط القلم وشبادي
واصبري على التشوفينه.... واخيج سابح بدمه

اجيت الكربله يحسين ..... بهيمه احنه حطينه
اطفالك وهلنسوان ..... وتشوف الجزع بينه
ولن جيوش ابو سفيان.... جتي وحاطت علينه
باحقاد وغدر مشؤوم ..... من يوم التسوينه
لاجن مسلمين احنه ..... ولاجن دينهم دينه
ولاجن جدنه بينه كال ..... الجنه لليواسينه
ولاجن احنه من بيته...... ولاجن هو والينه
ولاجن اية القران ..... بالعصمه نزلت بينه
ولاجن وصه بهل البيت..... سونه اهل ذمه

بكيت محيره يحسين ..... اندب وشتكى حالي
اشوف اصحابك الطيبين....... وانظر جيش الكبالي
اخافن ياذخر عيني ...... يخطر علذي ابالي
سمعه ولن حبيب يكول..... شحده اليوصل خيالي
احنه الكم سند ومعين ..... واصحابي الى منبالي
لا والله يازينب ..... يابت حيدر الغالي
زهير ونافع وعابس..... وسعيد وجابر التالي
جون وشوذب وعامر .... وبرير اوهب يبرالي
وبن عوسجه وابن رياح..... وابنه الى يشد عزمه

صبح يوم الوعد ياخوي...... والحاله اصبحت صعبه
اشوف اطفالك يلوجون..... من جوع وعطش كلبه
واشاهد للسمه والكون ..... وشوفن حالته مغبره
اشوف العلكمي ومايه ..... وشوف بكلبك الجمره
شصبر يا قهر يا ضيم ..... وخاف من اليجي ويجره
عجت عجه بالميدان....... وشتد الحرب امره
تلاكوا ساعه بالميدان....... خلوا بلزمن ذكرى
تصيح سيوفهم الله....... واكبر لو طبر طبره
ترعد كلبرق صارت ..... لاذان العدو تصمه

توجه يكصد الخيمه ..... شبيه المصطفه الاكبر
يحدر للعده هامات ..... وبكلبه العطش يسعر
جن ليل الهرير يعود...... وجن الى برز حيدر
يبويه ارجع يشوف العين..... امك يبنى تتنطر
وبدر وسط المعاره يجول ...... القاسم للعده سدر
ماراعته جيوش اعداه ...... على رايتهم حمل يزئر
انه ابن الحسن ياكوم ....... عمى اوحيد اله نثار
خلي يشاهد ابن العاص ...... الي كال النبي ابتر
هذى اشبال ابو الزهره ..... ولسمهه تنتمي وتفخر
بيهم باقي عنواني ...... والابتر رغمن الخشمه

اويلي عليك ابو السجاد....... والحاله اصبحت كلفه
لاناصر بقه ولامعين ....... لاواحد بكه يكلفه
يبو فاضل ينور العين ....... يل بالشده ونعرفه
يكله ولاتوصيني ...... عليه وتسهل الكلفه
علعلكمي صال وغار ..... وحرر منهم الضفه
ترس جوده وغرف يشرب..... من حس ابرد لهفه
شلون اشرب وخويه حسين ..... ضامي والعده تحفه
كطعوا يمنته ويسراه ........ ولاهمه كطع جفه
يسرته ويمنته وعينه ...... يظن كل هذا ما وفه
ناده احضر يخويه حسين...... مهموم وكثر همه

بكه ينظر يمين شمال ..... ضحايا على الثره غابت
بدور انكسفت بفد يوم ..... وشمسنه تغيرت ومالت
بكه حاير ابو الاحرار ...... عليه اعداءه من غارت
ناده يال ابو سفيان....... اداب العرب كالت
وشما تنتمي ليادين ...... علنسوان ما جارت
اتركوا عيال ابو الزهراء ...... حرم من الرعب حارت
ان لم يستقم هلدين ....... الا بجتلتى رادت
يسيوف العده خذيني ........ ورياح القدر سارت
برز يضرب على الهامات ...... ينادى ساعتي حانت
برماح وسيوف عليه....... وحجار العدو ثارت
ولن بلسهم المثلث....... باعضاءه سره سمه

صعدت زينب على التل ...... تنادى هنا يخويه حسين
علينه غارت العدوان ....... وعيالك غدت صوبين
حى لو ميت ابن امي ...... انطي الوجي كلي وين
نادت يارسول الله ...... يجدى دحضرلنه الحين
ونادت ياعلي الكرار ...... وين انته يبعد العين
ناداهه بضعيف الصوت ...... اصبري عل الذي اتشوفين
نزلت تركض بلا راي ........ وادك عل الصدر يحسين
اجتي وحبته بنحره ...... والتفتت قهر وحنين
ييمه هذى الوصيه ..... دحضري وشوفي حال حسين
على صدره الشمر هلملعون..... تربع يعتدي على الدين
كطع منه الوريد وصار ...... سمانه مطرت بدمه

بيتامه حارت الحره ولمهه
عطشهه وشتم والدهه ولمهه
تنادى الجدهه والحيدر ولمهه
غريبه صرت بارض الغاضريه

على التل زينب تنادى يجداه
تعال وشوف ابو الاكبر يجداه
لا له معين لا ناصر يجداه
صريع وجثته بالطف رميه

http://www.aldaih.net/up/upload/ac12.gif

للمشرعه تعنينه وندري بيه والينه

للمشرعه تعنينه..... حول العباس عليه السلام/ جاسم المعموري

للمشرعه تعنينه ...... وندري بيهه والينه
واعدنه راعي النوماس بوعده ما يخلف عباس
للمشرعه تعنينه

للمشرعه صار العزم.... نسالهه عن رايتنه
نسالهه عن جف الشهم.... ونسالهه عن كربتنه
تعنتهه زينب بلهظم ..... هم وقهر حالتنه
نصبر وتالي هالصبر..... فت الحزن جبدتنه
نصبر وتالي هلصبر..... اعدائنه جازتنه
جفوف الكرم خلينه ..... بعين الفضل ضحينه
للمشرعه تعنينه

قصتنه ويه المشرعه ..... قصه وصعب طاريهه
بيوم العزم راعي الفضل..... وبكربته يرويهه
ياكربة اصحاب العزم ..... احجينه شحل بيهه
ماهاب من يوم الحمل .... جيش الاجه يحميهه
ذيب ويطر كومة معز ..... خله الفزع يوليهه
راد السبع يسكينه ..... ويدري الضمه ماذينه
للمشرعه تعنينه

تقدم بساعات الخطر ..... يسال اخيه بامره
مابيه اتحمل بعد ..... جبدة اخيٌ جمره
واطفال جدي الحايره ...... مني الوعد تنتظره
يبن الحبيب المصطفه ..... ويبن العفيفه الزهره
درخصني يا بعد النفس..... المن الحيل نذخره
بارواحنه خطينه ..... اسم الشهاده علينه
للمشرعه تعنينه

ارخه العيون بدمعته..... وسالت هظم من عينه
خويه يبو فاضل تره...... انته السند والعينه
جاوب يكله سيدي ..... روحي فداء الدينه
شنهو الحياة بلا هدف ..... صار الهدف يدعينه
وصانه بيك من ارتحل..... لو كربله حطينه
حيدر علي يوصينه..... بحسين مهجة عينه
للمشرعه تعنينه

ثابت رجابه علفرس .... حيلك يحيدر حيله
يهتف ولا خاف الحتف..... احنه الحتف نمشيله
انى انا العباس تسمعني العده.... اسكي الحرم والعيله
اربعة الالاف العدو ..... ساوهه صبح بليله
حط علشريعه جل النسر..... والعلكمي يحيله
ينظر الماي بعينه ..... انطه وعد لسكينه
للمشرعه تعنينه

حس برد ماي النهر .... مد ايده يروي الشفه
وتذكر حسين وعطش ..... اطفالهه المتلهفه
ذب جرعة الماي وحلف ..... عباس عهده وفه
غيله اوره النخله غدر..... يكطعله ظالم جفه
سالم يظل دين النبي.... واحنه النشيل الكلفه
صوب سهمهم عينه..... وشك العمود جبينه
للمشرعه تعنينه

يم الشريعه والنهر ..... طاح النفل وتكنطر
والرايه تشهد بالفخر.... طبعة جفوفه اثر
والكربه تروي للخبر..... لمن حضنهه ويزئر
وجفوفه ظلت عل الثره.... بفعل الحملهه تفخر
والفرس ظل يصل قهر.... جان على ظهره حيدر
راح الذى ترجينه .... صابوا غدر والينه
للمشرعه تعنينه

http://www.aldaih.net/up/upload/ac12.gif

ام فاطمة

28-01-2008, 09:09 PM

حياكم الله شاعر اهل البيت ع جاسم المعموري

وهذا اقل شي باستطاعتنا ان نقدمه لجانبكم الكريم لما يخطه قلمكم الولائي النابض بحب العتره الطيبين الطاهرين فلكم منى جزيل الشكر والتقدير

ام فاطمة

09-02-2008, 07:18 PM

http://up.br2h.com/uploads/77b26c80b3.gif (http://up.br2h.com/)

الَلَّهٌمَّ صَلَِ عَلَىَ مٌحَمَّدْ وَآلِ مُحّمَّدْ وعَجِّلْ فَرَجَهُمْ وَالْعَنْ أَعْدَائَهُمْ

قصيدة بمناسبة اربعين الامام الحسين عليه السلام ....... الحاج جاسم المعموري

..............

تهتف يحسين المشايه .......... تهتف يحسين المشايه

نهتف يحسين انته الوالي ........ نمشيلك احنه ومنبالي
ولدي ونفسي ومالي وحالي ........ كل هذا ولحنه الوفايه
تهتف يحسين المشايه
يحسين بيوم الطف حالك ......... حيران وعطشانه اطفالك
لا واحد ظل اليبرالك .................. بسهام وصارت رمايه
تهتف يحسين المشايه
عطشان وجبدك جل الجمره .... رادوا هل الصبر وتختبره
ما مد ايده الهم مره ........ دين الله ونرفعله الرايه
تهتف يحسين المشايه
ياثار الله ودينه ورسله ...... يا ثار اطفاله وكل اهله
وكل شيعي الغدروا هل المله ...... صرنه بحلك الدنيه حجايه
تهتف يحسين المشايه
جينه اليوم ونمشي البابك ..... لو تحسبهم ذوله احبابك
مهظومه بدهرك ومصابك ....... واحدهم مشدوه برايه
تهتف يحسين المشايه
مشدوه برايه وتفكيره ..... ظالم راح وطحنه بغيره
كل ساعه وتسمع تفجيره ...... كل يوم ورفت فد رايه
تهتف يحسين المشايه
ماتعرف يا رايه تقودك ...... وجم رايه العبرت لحدودك
ظلمه وتاهت كل دروبك ........ تهوس ظلت يا مولايه
تهتف يحسين المشايه
واحدهم كال انه وانه ...... اواحد ويهدد اعلانه
وساعه فلان ولو فلتانه...... وين البركه بيا حبايه
تهتف يحسين المشايه
نشكيلك ياضنوة حيدر ...... بهاذي الشده ويانه وتحضر
مانكدر والله ومانكدر ........... التمت وعلينه الغزايه
تهتف يحسين المشايه
وينك ياحجة الله الاكبر ..... منهم طهر ارضك وظهر
خلص هلوادم تتنطر ..... وانته المطلوب الهل الغايه
تهتف يحسين المشايه
اظهر يالمهدي وخلصهه ...... من هذا وذاك الخابصهه
لادين ولارحمه العدهه ....... هوسه وماتعرف لحجايه
تهتف يحسين المشايه
دينك يالمهدي ولا يسلم ...... مادامت هاذي التتحكم
جاهل لايقبل يتعلم ........ ورطه وطاحت بيهه هوايه
تهتف يحسين المشايه

http://up.br2h.com/uploads/77b26c80b3.gif (http://up.br2h.com/)

ام فاطمة

09-02-2008, 07:21 PM

http://www.rahiq.net/upload/rahiq_27866836.jpg

الَلَّهٌمَّ صَلَِ عَلَىَ مٌحَمَّدْ وَآلِ مُحّمَّدْ وعَجِّلْ فَرَجَهُمْ وَالْعَنْ أَعْدَائَهُمْ

جينه موكبنه يكول ...قصيدة اربعين الامام الحسين عليه السلام
الحاج جاسم المعموري

جينه موكبنه يكول ..... احنه خدام البتول
جينه نحى الاربعين ..... جينه يا نجل الرسول

جينه من البصره نسعه ... نمشي كل هذا الطريق
لايهمنه شكد مشينه ..... لو دماء شكد نريق
انته مدرسة العداله .... وانته يالحق الحقيق
كل سنه متعودين ..... نمشي لبن الطاهرين
نهتف بصوت ونكول .... احنه خدام البتول
جينه موكبنه يكول

من العماره اجينه .... للتعب احنه نسينه
احنه وبحبك يغالي ..... كوثر الجنه روينه
نرجوا يتلكانه جدك...... احنه لو متنه اوحيينه
انته مولاى الرجاء ..... من قدس رب السماء
احنه نتحدى ونكول .... احنه خدام البتول
جينه موكبنه يكول

الناصريه وكل اهلهه .... تلبس عليك السواد
نصبت بكلب اليحبك .... مأتم وعلنت حداد
كل مواكبهه تنادي .... إنته للدين العماد
ناحيتهم والقضاء ...... يعلن السوك الولاء
بالمسير احنه نكول ..... احنه خدام البتول
جينه موكبنه يكول

كلوب جتّك على الولايه ..... جتّي من سوك الشيوخ
أه يحسين ويغالي ......... تعلمت منك شموخ
ظلّت بمنهج محمد ........ بالفخر لسمك نعيد
إنته يحسين البقاء ...... خلّدك رب السماء
يانجل طه نكول ....... احنه خدام البتول
جينه موكبنه يكول

الشيعه يحسين الضحيّه ...... جتّك الحلّه نصير
لانوالى الطاغي ابدا ....... شما جره وشما يصير
والطغاة علينه حكمت ....... لازياره ولامسير
بالسجن بالاعتقال ........ رادت تحقق منال
نادت الحلّه وتكول ....... احنه خدام البتول
جينه موكبنه يكول

من قضه القاسم تعنّت ....... تمشي من باب المراد
من ابن باب الحوائج ....... جينه من عمّ الجواد
جينه نحي اربعينك ....... يا ابن خير العباد
نعزي زينب والبتول ......... والنبي الهادي الرسول
نفتخر لمن نكول ...... احنه خدام البتول
جينه موكبنه يكول

من النجف زوار اجينه ......... جينه نمشي لكربلاء
تشهد الارض وسمانه ....... نطينه عهد على الولاء
مبدا ومنك اخذنه........ ... يانجل حيدر وفاء
ال اميه المجرمين ...... ظل نسلهم حاقدين
صرخه وتدوي وتكول ..... احنه خدام البتول
جينه موكبنه يكول

من اهل بغداد احنه ....... واحنه نتحده الطغاة
جم عصر مر وبقينه ....... نذكرك يبن الهداة
رادوا يغيرونه لكن ...... احنه موقفنه الثبات
يوصي طاغيهم يكلهم ...... خلوا بغداد بنظركم
كلهه بغداد وتكول ....... إحنه خدام البتول
جينه موكبنه يكول

نمشي من الكاظميه ...... نمشي ويانه الجواد
نمشي وي موسى بن جعفر...... باب حاجات المراد
احنه من صبره ارتوينه ....... من سجون الاضطهاد
على الظلم طال وصبرنه ...... ضد اوامر حزبه صرنه
من ارض موسى نكول ........ احنه خدام البتول
جينه موكبنه يكول

بالحزن بعقوبه تنعي ....... تعزي وبهذا المصاب
تنحب تعزي العقيله ....... وياهه سكنه والرباب
جتي وتكلك يجابر ...... نفدي لحسين الركاب
انته عنوان الاباء ........ ربّتك خلق السماء
هذى بعقوبه تكول ..... احنه خدام البتول
جينه موكبنه يكول

جتي من كركوك اهلهه ....... جتي تسعين الوفاء
مبدأ حسين ونظامه ......... تلتزم بيه بعناء
تشكى من جور ومهانه........ من اهل فتنه وجفاء
احنه وياك بعهدنه ........ من حليب امنه رضعنه
نحلف بالله ونكول ....... احنه خدام البتول
جينه موكبنه يكول

الشيعه جتي من الرمادي...... السنه وياهه تزور
احنه يبن الزهره ندري..... بلا سماء ولا بحور
غيرك بهل الكون ضحّه ...... وصابر لحز النحور
بالهدف متوحدين ...... احنه يبن الاكرمين
من كلب دامي ويكول ....... احنه خدام البتول
جينه موكبنه يكول

موكب الموصل تعنّه ...... لكربله يعزي الاحباب
الشيعه والسنه سويّه ........ جن عزاهم والمصاب
الكردي ويه العربي بيهم ...... تحزّمت هذى الشباب
يا امل كل العباد ......... إنته منهج والسداد
كلهه تبجيك وتكول ...... احنه خدام البتول
جينه موكبنه يكول

من قضه طويريج اجينه ...... جينه يحسين ونريد
جينه نهتفلك يغالي ...... يا شهيد ابن الشهيد
إنته تعرفنه ونعرفك ....... ما نزل ولا نحيد
شكد طغه الظالم علينه ..... اسمك ولاهو نسينه
والقضه بلهفه يكول ..... احنه خدام البتول
جينه موكبنه يكول

كربله بيهم ترحب ..... ترحب بهذي الوفود
لعهد ابو اليمه توافي ..... كل سنه بهاي العهود
لا ولا تغيّر متنسه .... باقيه بعزم الصمود
هذا مبدأ هذا سنّه ..... والشرع والدين سنّه
لاعدول احنه نكول...... احنه خدام البتول
جينه موكبنه يكول

http://www.rahiq.net/upload/rahiq_27866836.jpg

ام فاطمة

09-02-2008, 07:26 PM

http://up.br2h.com/uploads/77b26c80b3.gif (http://up.br2h.com/)

الَلَّهٌمَّ صَلَِ عَلَىَ مٌحَمَّدْ وَآلِ مُحّمَّدْ وعَجِّلْ فَرَجَهُمْ وَالْعَنْ أَعْدَائَهُمْ

كوم يابو الزهره ..... جاسم المعموري

كوم يابو الزهره انته وحيدره ...... عيلتك بارض الطفوف ميسره
كوم يا طه النبىلارض الطفوف...... خلى عينك تنظر حسين وتشوف
وحيد باقى لا اله معين ونصير ..... شوف فعل رماحهه وفعل السيوف
من كثر طعناتهه متوذره
كوم يا بو الزهره وانظر حالته ..... بسيف ابو سفيان حزوا ركبته
علصدر داست حوافر هلخيول ...... صدر دينك يامحمد داسته
حالت عيالك بكت متعسره
يا ابو ابراهيم والخيل اهجمت ..... على عيالك بالطفوف ويسرت
بعد ما نهبوهه وخيام حركت ..... هامت النسوان بالهيمه شردت
ظلت بهيمه يجدى محيره
شوف راس حسين علرمح الطويل ..... سكنه وام كلثوم تنعاه بعويل
والاطفال تنوح ما اله دليل ...... راح عنهه الوالد الجان الجفيل
ونارهه بخيامنه متوجره
ظلت محيره عيالك ترتجى ..... بالحبال مجتفيهه للسبى
بل السياط ويضرب اولاد النبى ..... بيا وجى يلاكوك ذوله بيا وجى
صار يضربنى ويشتم حيدره
كوم وبسيفك يبونه ياعلى ..... وخلى ذى الفقار بيهم يبتلى
شلون يوم الباب حيدر ياعلى .... ذراعك الهز القلاع ومعتلى
كوم واحظر عيلتك لمطشره

http://up.br2h.com/uploads/77b26c80b3.gif (http://up.br2h.com/)

ابو ثمامة

10-02-2008, 07:11 PM

اللهم صلي على محمد وال محمد

اولا واخرا لك مني ياسيدتي الجليله الف تحية وسلام واسال الله سبحانه وبحق الزهراء ان يجعل عاقبة امرك الى خير الدنيا والاخره لما قدمتيه بحق الديوان ....والله عنده حسن الثواب

ام فاطمة

11-02-2008, 05:40 PM

http://www.shia4up.net/out.php/i86820_201761034098.jpg (http://www.shia4up.net)

اللهم صلّ على محمد وآل محمد وعجل فرجهم الشريف

قصيدة جابر عليه الرحمه ويوم الاربعين

يجابر اكعد وخلينه نحجيلك ...... الحاج جاسم المعموري

يجابر اكعد وخلينه نحجيلك ..... الزياره العلمتنه عليهه ترويلك
الشيعه بكل سنه تمشي وتوافيلك .... يجابر احضر وشوف الجره عليهه

يجابر من اجيت تزور ابو الامجاد .... حسين اولده واصحابه على الميعاد
خفت ولن يشوفك جيشه لبن زياد ....... منهد ذاك الوكت جيشه ويباريهه

من شفت السواد و مجبل منبعيد ...... ظنيت العده ذوله جيوش يزيد
خفت منهم يجابر تكتلك وتبيد ....... دزيت العبد ينشد طواريهه

الشيعه شافته جيش العده بعينه ..... مشينه ولا ترددنه وتراخينه
نهتف يا حسين احنه الك جينه ...... ولا دزينه احد ينشد شبيهه

نزورك لو جيوش العالم باسره....... توكف علحدود تطوك الحضره
كالتهه العقيله وهيه متيسره ..... مثل عابس نصير ونفزع عليهه

يحسين انته مثلك ما كتبله كتاب ..... من ادم لحد يوم اليصير حساب
حيرت الملائك كلهه والالباب ...... لجل الدين روحك وانته فاديهه

ابن هند وسميه ردوا النه ردود ...... يوم بكربله راحت اهالي الجود
اطفال النبي لو هايم ومفقود ....... ردت لاجن النوبه ذراريهه

ابن العوجه مثل دورك ابن زياد ..... ودور معاويه مثل فهد لو زاد
وحسني مبارك ابن العاص دوره وجاد ..... التمت كلهه علشيعه وتعاديهه

جيران الوكاحه كلهه هلجيران ...... لو ناصب عداء ولو حقد مليان
وهابي وسلف كلهم خلك رعيان ...... يفجر نفسه للنار اويوديهه

اسمع يا لمعادي وهذا كولي وياك ..... محمد ما نعوفه وشيعته تسواك
حيدر من يسلم صكك بيمناك ....... فنك تكرب وتوصل نواحيهه

http://www.shia4up.net/out.php/i86058_a8.jpg (http://www.shia4up.net)

ام فاطمة

11-02-2008, 05:46 PM

http://www.shia4up.net/out.php/i86820_201761034098.jpg (http://www.shia4up.net)

للشام بحزن مشونه ياحيدر ...قصيدة

للشام بهظم مشونه ياحيدر .... اكوم واكعد بممشايه اتعثر
اطفال ويتامه تنوح .... عوف المشرعه وانغر
حط جفوفك واحضر
مشينه وعفنه اهل المرجله صرعى ..... ضحايه على الترب انظرهم وااْسف
صحت ياجدي دحضر كربله الساعه .... دحضر ولدك بارض الوعد بالطف
اميه علينه ثارت بالحقد واضغان .... ونحرت سبطك حسين الابي الاشرف
وكطعولك جفوف الضيغم العباس .... وراعي المرجله وجوده بكه النوماس
اكعد شاهد المنظر حط جفوفك واحضر

مشيت وعفتك مجفن ترُب والدم .... مكطوع النحر لو صدرك مهشم
ملظوم الجسد سهم الردى الاف ..... سليب من الثياب وكلبي يتاْلم
حرت اتوجه الجسمك يبعد الروح ..... لو امشي ويه راسك وانصب الماْتم
لو اجمع يتامه والحرم نسوان ..... واعوف على الرمال مضرج القران
اخويه بكربله معفرٌ .... حط جفوفك واحضر

انظر يمنتي وانظر شمالي حين .... اشوف مصرٌعه اهل الشرف والدين
احجي ومن امد عيني الك يحسين ..... يضربني بسياطه على المتن صوبين
لو اندب ابويه ياعلي لا وين ..... يشتم حيدره والدنه ابو السبطين
كيود ابيدي وحبال على رجلينه ..... سلبنه العده ولاكو غطه علينه
وينك ياذخر حيد ر ..... حط جفوفك واحضر
للكوفه وبعد للشام مشانه ..... على الهٌزَل يبونه ومحٌد ويانه
تتفرج علينه الدنيه كل مجان ..... نظرات الغريبه وبيهه خزانه
الناس وتسال علينه ويكللهم ..... خوارج علامير وتنكرديانه
لاجن احنه ولد الدين .... ولاهم بينه معترفين
كالوا هالنبي الابتر .... حط جفوفك واحضر

عليهم يخطب ومتحشد الديوان ..... بابيات الشعر انكر جميع اديان
لاقران نازل لاوحي وايمان .... لادينك محمد والحكم عنوان
يضرب بالسياط شفاف ابو الوجدان ..... يشرب للخمر ويلاعب الحيوان
راس السيد بطشت الذهب جابه ..... ابن الما عرف اصله ولا نسابه
قهرني وروحي تتفطر .... حط جفوفك واحضر

كامتله العقيله ترد كلامه بصوت .... اسمع يا يزيد ويا نسل طاغوت
دين الباري باقي ولا يمسه الموت .... وجدنه بالنبوه والخلق منعوت
اسال جدك البي تنخه عالتابوت .... حطب صار الجهنم هو والتابوت
وجبدة حمزه اكلتهه .... هند امك دسايلهه
وعمك حيدر الطٌبر .... حط جفوفك واحضر

زينب تخطب وجنهه علي الكرار .... جنهه فاطمه من حضرت الانصار
جنهه المصطفه بالهيبه والاثار ..... جن صوت النبي لو حاجج الكفار
جنهه حمزه جنهه جعفر الطيار ..... جنهه سيف ابوهه وصارت الفقار
اختك يا ابو فاضل ..... عقيله وظلت تناضل
وامهه فاطمه الكوثر .... حط جفوفك واحضر

من الشام واجينه الكربله نغادر .... جبت راسك يخويه بهيبة الثائر
تلكاني ويدك على الصدر جابر .... يجابر ظل عزيزك عاطش وحاير
كالت مادريت بكربله اشصاير ..... الشمر صاير عليٌ ناهي وامر
زينب من يضربوهه .... اهلهه من يسبوهه
وسوطه على المتن اثر .... حط جفوفك واحضر

الحاج جاسم المعموري

http://www.shia4up.net/out.php/i86522_iv839790.gif (http://www.shia4up.net)

ام فاطمة

11-02-2008, 05:51 PM

http://www.shia4up.net/out.php/i86822_karbala4.gif (http://www.shia4up.net)

اللهم صلّ على محمد وآل محمد وعجل فرجهم الشريف

اليوم ر وح النبي متالمه...غدرت القاسم ايدي غاشمه

اليوم روح النبي متالمه .... غدرت القاسم ايدي غاشمه
شعلت شموعه بحزن ...... رمله محزونه وتون
غدرت القاسم ايدي غاشمه

هل الزمن من دار ..... ودارت سنينه
ماصفت ليام ...... بس تعادينه
يزهي للكافر ..... يومه ويعينه
منشرح فرحان ...... يكفر بدينه
ربك بايه قرانه وصف .... كل نفس الهه ميزان وعرف
كل فعل بي عالمه..... مؤمنه لو ظالمه
غدرت القاسم ايدي غاشمه

ال اميه سنين .... عذبٌت جدك
وجم خليفه الصار .... يعدم باهلك
وجم ورث مغصوب..... من فدَك لُمٌٌك
وهذا جيش يزيد ...... يغدر بعمٌك
التمت الوادم بطف كربله ..... تحارب الدينك وتفني هله
على الحرب ومصممه .... وتستبيح اشرف دمه
غدرت القاسم ايدي غاشمه

لن كُمرَ يبرز .... نوٌر الميدان
عمامته الخضره ..... من شبل عدنان
بالوسط سيفه ..... حير العدوان
ورده منه يفوح .... نرجس وريحان
هذا ابن مكه وبنج يامنى .... من العرش جده قوسين ودنه
من الحسن من فاطمه .... ذوله اهل الغانمه
غدرت القاسم ايدي غاشمه

تقدم العمه .... دمعته بخده
ارخصني يالمهيوب .... للعده اتحده
بالطفوف وحيد ..... ومحد يسنده
والدي وصٌه .... كون الك نفده
نفدي ارواح الك نفدي العمر .... ياعميد الهواشم ياذخر
هذا يوم الموزمه ..... دونك تهون الدمه
غدرت القاسم ايدي غاشمه

توسط الميدان ..... وامه تنخاله
يطرد الالاف ..... اسمع اقواله
احنه اهل الدين ..... واحنه ابطاله
كلنه من طه ..... وحيدر امثاله
احنه واحدنه حيدر من يكر ..... وبدر هشمٌ الروس الكفر
احنه روحه والدمه ...... وامنهَ اسمهَهَ فاطمه
غدرت القاسم ايدي غاشمه

شد على العدوان ..... يكصد الرايه
راية العدوان ..... صارت الغايه
لارجف لاخاف .... زلزل الثايه
بالنبل زفوه .... وحنته دمايه
شموع عرسه نبلهم زفته ..... بدم وريده تحنت يمنته
زانته الوان الدمه ..... بالشرف متوسمه
غدرت القاسم ايدي غاشمه

ناده ياعمي ..... سلم على حسين
يحضن وليده...... دمعته بالعين
اعذرنى ياعمي ..... هل وفيت الدين
رمله مدهوشه ..... تلطم الخدين
مدد القاسم ابين اخوته .... لطمت سكينه لمن شافته
ضجت الارض وسمه.... والملائك نادمه
غدرت القاسم ايدي غاشمه

الحاج جاسم المعموري

http://www.shia4up.net/out.php/i86508_get22008qcidm6bf.gif (http://www.shia4up.net)

ام فاطمة

18-02-2008, 01:24 AM

http://home.no.net/anyas/anyaflower41.gif

ياهلال البي فكدنه امجادهه

ياهلال البي فكدنه امجادهه/بالحزن ذكرى الطفوف وعادهه
تنادي زينب يا حسين ....يبن أمي يا حسين
ياهلال البي حزن اَل الرسول
وحيدر الكرار والزهره البتول
بالدماء مخضب تسحكه الخيول
سبط طه المصطفه وعماده
.....
ياهلال ألبيك حزنتله السماء
والملائك ناحت ونصبت عزاء
عالسيوف وفازت الحره الدماء
دم سليل المرتضى وسياده
>>>>>>
خَلفٌَت بالروح حزن المايميل
من سبوا أشرف حرم وبلا جفيل
حبال بركاب النسه وحتى العليل
لعد طاغي الشام صار يكودهه
>>>>>>
ليش صار حسين عرضه للبلاء
مثل ما هو إبتلت كل الانبياء
وليش صار حسين أكثر بالولاء
نعرض الحاله ونزيد الرادهه
>>>>>
حيرت إبراهيم يسال عالوجود
والخلائق من تموت ومن تعود
راد يتيقٌن اوكلبه مايحود
وابن حيدر ثابت او ما حادهه
>>>>>
ونوح يدعوا للسفينه بالنجاة
من هوايل بحر هايج والطغاة
وراد لَبنَه يخلصه من كفر الولاة
وإبن حيدر ضحّه باغلى اولادهه
>>>>>
خاف موسى تكتله شذاذ اليهود
توجّه لمَديَنْ وخايف لن يعود
خاف من الموت ورباط القيود
وإبن حيدر هشمولَه اجسادهه
>>>>>>
وشوف يعكوب على يوسف من عِمَهَ
وعنده عشرهَ أولاد غيرَه محزٌمه
لاخطر يوسف الشافه وداهَمَه
وإبن حيدر وذّرولَه اعدادهه
>>>>>
ويونس من الحوت بلعت جثته
راد يخلَص من دَواهي الأذته
يدعوا وهيه هاذي الخَلصتَه بكه
وإبن حيدر ماخضع بل زادهه

>>>>>>>
شردأوصف بعد شحجي اوشردكول
مانوصف حسين لو مهما نطول
سحكت خيول الشرك صدر الرسول
مانوفي شدّه من إشدادهه

الحاج جاسم المعموري.....ايلول....2005

http://home.no.net/anyas/anyaflower41.gif

ام فاطمة

18-02-2008, 01:32 AM

http://www.shia4up.net/out.php/i86058_a8.jpg (http://www.shia4up.net)

هنا يجابر يتمونه ..هنا يعمي بكربلاء

ياكربلاء ...... الحاج جاسم المعموري

هنا يجابر يتمونه..... هنا يعمي بكربلاء
يسروا عمتي العقيله ..... وشفنه ويلات وبلاء
روعونه ..... وعطشونه
هنا يعمي بكربلاء

ذبحوا الدين واصوله .... وظلت يتامه الفروع
زمره يزيد واميه .... حزّب علينه الجموع
رادت الدين اوتبيده .... لامسيح ولايسوع
لاخُبر من الله نازل .... لاكتاب ولاخشوع
حاربونه ..... وشتتونه
هنا يعمي بكربلاء

هنا يجابر طاح اخويه...... الاكبر توذره السيوف
هنا يجابر ناده بيهم ...... اّني ماهاب الحتوف
اّنه الاكبر جدي حيدر ...... يهتف بنص الالوف
هنانه طاح ودمه ينزف ..... حسين ينظرله ويشوف
روعونه ..... وشتمونه
هنا يعمي بكربلاء

هنا يعمي حَنَوا ايده .... القاسم بدم الوريد
زَفته النشاب صارت .... يضرب بسيفه ويريد
ينَكّس الراية اميه .... ذوله انجاس وعبيد
رمله تندب يبني جاسم .... شوفتك يوليدي عيد
مارعونه .... ويسرونه
هنا يعمي بكربلاء

هنا يجابر ايده طاحت ... علشريعه وغدرته
صاح انا العباس انه .... ماتهمه يمنته
لاانا الخايف ولاانه .... ولو كطعتوا يسرته
ولايضوك الماى كبلك ...... لو يضوك منيته
عطشونه ... وهيمونه
هنا يعمي بكربلاء

هنا يجابر عفت ابويه .... مضرج بحمره الدماء
هنا يعمي جسم طاهر ..... جسم سيد الانبياء
ظل طريح بهل البوادي..... حزنت عليه السماء
عمتي نادت يامحمد ... وين سيد الاوصياء
يتمونه .... وفجعونه
هنا يعمي بكربلاء

هنا يعمي هنا يجابر .... هجمت علينه الخيول
يسرونه وعمتي صاحت .... احنه اولاد البتول
احنه من بيت الرساله .... المصطفه جدنه الرسول
عمنه حمزه وعمنه جعفر ... ولاظهر بيهم خجول
كيدونه ... وعذبونه

http://www.shia4up.net/out.php/i86058_a8.jpg (http://www.shia4up.net)

عاشقة اهل البيت

24-02-2008, 10:52 AM

احسنت اختي مبادره جميله وطيبه منك

ام فاطمة

24-02-2008, 03:31 PM

http://www.shia4up.net/out.php/i92587_292812927.gif (http://www.shia4up.net)

جينه نزورك يالغالي

جينه نزورك يالغالي ..... الحاج جاسم المعموري
جينه نزورك يالغالي .... افديك بروحي وحالي
جينه ونشكيلك هموم .... وي جابر جيناك اليوم
جينه نزورك يالغالي
على العهد جينه بكل سنه.... هذا العهد ويانه
وقعنه وبدم الكلب ..... حسين ويظل ويانه
لازم نجيلك نعتني .... حبك تره خلانه
كالتهه زينب بل اليسر .... شيعتنه ما تنسانه
انته الامام المعصوم .... وانته الشهيد المظلوم
وحيدر ابوك الوالي
جينه نزورك يالغالي
يحسين نرويلك قصص .... مرت علينه ودارت
من يومك الهاذه الوكت .... جم ظالم الي جارت
من واحد الواحد غدت .... فزعت علينه وغارت
رادونه ننساك ونرد ..... همتنه باسمك زادت
مستشهد ولو مهموم .... لو بالسجن ظل مهظوم
سارت ولاهي تبالي
جينه نزورك يالغالي
منعوا زيارة كربله ..... منعوهه ال اميه
وعادوهه اولاد الزنا ..... منعونه هل البعثيه
خلوا مراصد عل الدرب .... وكل شارع الحزبيه
جيناك نهتف ياضمد ..... امشيلك برجليه
الاشرار وعلينه تحوم ..... يخاف وعليه احنه نكوم
صحنه بالصوت العالي
جينه نزورك يالغالي
يحسين عدوانك بكت ..... ذاك النمط متغير
وحسين باقي بهمته ..... لتبدل ولاتاثر
يزيد وعلينه بكل وكت ..... لاجن حسين الاشهر
مهما تحاول قوته ...... بعيونٌهَ ما يكبر
اسمك وحبك مرسوم ..... بلب الكلب بي مختوم
صوت العقيله ابالي
جينه نزورك يالغالي
يعرفوك انته ابن النبي .... يعرفون فاطم امك
يعرفون انته ابن السبع .... مايخفه وينظم اسمك
لاجن علينه تحزموا ..... جيف احنه صرنه نحبك
حبينه بيك المرجله .... وحبينه بالحك عدلك
مابيهم واحد مفهوم .... ولابيهم رجال الزوم
بيهم تحير بالي
جينه نزورك يالغالي
صوتك ينادي بكربله .... ماانطي الظالم بيدي
ولاقرٌ ولا نهَ المعترف ..... لرب العله توحيدي
اركان دينه السالمه >> لو دونه دم وريدي
نزفت دماك الطاهره >>> يحسين دونك جيدي
ننتظر جيتك يايوم >>>> تاخذ بثار المظلوم
ياحجة الله العالي
جينه نزورك يالغالي
ولن صوت بالمجلس هتف >>> صوت العقيله الحره
يه يزيد تنكر خالقك >>> لسانك اتديره الخمره
لا وحي النازل لا خبر >>> وتكول هاذي المره
اصلك وفاسد مرضعك >>> ابائك الموُ حُرهَ
وينك يبو فاضل كوم >>> وجعفر وحمزه بهليوم
تشفي غليلي وحالي
جينه نزورك يالغالي
السجاد عل المنبر صعد >>> يخطب بلهجة حيدر
للناس وضح نهضته >>>>> وكوم ال اميه دمٌر
انه بن طه وفاطمه >>>> وعمي الحمزه وجعفر
وانه بن مكه ومن منى >>> وركن الحطيم اليفخر
سر الاله المكتوم >>>> عدنه الكتاب المرقوم
وحيدر ابونه الوالي
جينه نزورك يالغالي
قصتنه وياك وتظل >>>> قصة فكر ما ينضب
انته المبادى والعقل >>> يرفض الطاغي اليغصب
القران والاف الرُسل >>>> تدعوا البشر يتاْدب
ماقبلوا بهاذه الحجي >>>> خلة هل الوادم تتعب
يالمهدي جايمته تكوم >>>>> بدلوا دينك هلكوم
امحيهم ولاتبالي
جينه نزورك يالغالي
يحسين من يوم الكلت >>> امشي بمسيرة جدي
احترموك ارباب العقل >>>> العربي وياه العجمي
حتى الاديان الباقيه >>>> من كال قائد هندي
تعلمت من صبرك درس >>> بي انتصر متحدي
يومك يظل خالد دوم >>>> والايم خليه يلوم
نورك شمس ويلالي
جينه نزورك يالغالي

http://www.shia4up.net/out.php/i92587_292812927.gif (http://www.shia4up.net)

ابو ثمامة

24-02-2008, 04:50 PM

سيدتي ام سيد ياسين حفظك الله وجفظ السيد ياسين بحق ال ياسين ..ثم ان هذا الجهد المبارك مشكورة عليه واني هذه الايام مشغول جدا جدا جدا مع زوار الكرامة والاباء زوار الشهيد المظلوم لانني الان في خدمة الزوار في بيتي ولله الحمد وسوف انشر الصور قريبا ولكم مني الزيارة والدعاء لكل الاعضاء وخاصة انت وعاشقة اهل البيت

ام فاطمة

24-02-2008, 06:48 PM

الَلَّهٌمَّ صَلَِ عَلَىَ مٌحَمَّدْ وَآلِ مُحّمَّدْ وعَجِّلْ فَرَجَهُمْ وَالْعَنْ أَعْدَائَهُمْ

السلام عليك يا أبا عبد الله الحسين يا صريع الدمعة الساكبة ويا سفينة النجاة وعين الحياة ولعن الله ظالميك وقاتليك إلى قيام يوم الدين

هنيئا لكم الزيارة وخدمة زوار ابا الاحرار موفقين شاعرنا الكريم وزادكم الله فخرا بخدمة الحسين ع وزوار الحسين ع ورزقنا الله واياكم الزياره والشفاعة يوم الدين يا كريك وفقك الله دمتم اخا كريما نتعز بيه حياكم الله ولكم منى كل التحيايا والتقدير

ام فاطمة

24-02-2008, 06:51 PM

http://www.shia4up.net/out.php/i86822_karbala4.gif (http://www.shia4up.net)

الَلَّهٌمَّ صَلَِ عَلَىَ مٌحَمَّدْ وَآلِ مُحّمَّدْ وعَجِّلْ فَرَجَهُمْ وَالْعَنْ أَعْدَائَهُمْ

للشام بهظم مشونه ياحيدر

للشام بهظم مشونه ياحيدر .... اكوم واكعد بممشايه اتعثر
اطفال ويتامه تنوح .... عوف المشرعه وانغر
حط جفوفك واحضر

مشينه وعفنه اهل المرجله صرعى ..... ضحايه على الترب انظرهم وااْسف
صحت ياجدي دحضر كربله الساعه .... دحضر ولدك بارض الوعد بالطف
اميه علينه ثارت بالحقد واضغان .... ونحرت سبطك حسين الابي الاشرف
وكطعولك جفوف الضيغم العباس .... وراعي المرجله وجوده بكه النوماس
اكعد شاهد المنظر حط جفوفك واحضر

مشيت وعفتك مجفن ترُب والدم .... مكطوع النحر لو صدرك مهشم
ملظوم الجسد سهم الردى الاف ..... سليب من الثياب وكلبي يتاْلم
حرت اتوجه الجسمك يبعد الروح ..... لو امشي ويه راسك وانصب الماْتم
لو اجمع يتامه والحرم نسوان ..... واعوف على الرمال مضرج القران
اخويه بكربله معفرٌ .... حط جفوفك واحضر

انظر يمنتي وانظر شمالي حين .... اشوف مصرٌعه اهل الشرف والدين
احجي ومن امد عيني الك يحسين ..... يضربني بسياطه على المتن صوبين
لو اندب ابويه ياعلي لا وين ..... يشتم حيدره والدنه ابو السبطين
كيود ابيدي وحبال على رجلينه ..... سلبنه العده ولاكو غطه علينه
وينك ياذخر حيد ر ..... حط جفوفك واحضر
للكوفه وبعد للشام مشانه ..... على الهٌزَل يبونه ومحٌد ويانه
تتفرج علينه الدنيه كل مجان ..... نظرات الغريبه وبيهه خزانه
الناس وتسال علينه ويكللهم ..... خوارج علامير وتنكرديانه
لاجن احنه ولد الدين .... ولاهم بينه معترفين
كالوا هالنبي الابتر .... حط جفوفك واحضر

عليهم يخطب ومتحشد الديوان ..... بابيات الشعر انكر جميع اديان
لاقران نازل لاوحي وايمان .... لادينك محمد والحكم عنوان
يضرب بالسياط شفاف ابو الوجدان ..... يشرب للخمر ويلاعب الحيوان
راس السيد بطشت الذهب جابه ..... ابن الما عرف اصله ولا نسابه
قهرني وروحي تتفطر .... حط جفوفك واحضر

كامتله العقيله ترد كلامه بصوت .... اسمع يا يزيد ويا نسل طاغوت
دين الباري باقي ولا يمسه الموت .... وجدنه بالنبوه والخلق منعوت
اسال جدك البي تنخه عالتابوت .... حطب صار الجهنم هو والتابوت
وجبدة حمزه اكلتهه .... هند امك دسايلهه
وعمك حيدر الطٌبر .... حط جفوفك واحضر

زينب تخطب وجنهه علي الكرار .... جنهه فاطمه من حضرت الانصار
جنهه المصطفه بالهيبه والاثار ..... جن صوت النبي لو حاجج الكفار
جنهه حمزه جنهه جعفر الطيار ..... جنهه سيف ابوهه وصارت الفقار
اختك يا ابو فاضل ..... عقيله وظلت تناضل
وامهه فاطمه الكوثر .... حط جفوفك واحضر

من الشام واجينه الكربله نغادر .... جبت راسك يخويه بهيبة الثائر
تلكاني ويدك على الصدر جابر .... يجابر ظل عزيزك عاطش وحاير
كالت مادريت بكربله اشصاير ..... الشمر صاير عليٌ ناهي وامر
زينب من يضربوهه .... اهلهه من يسبوهه
وسوطه على المتن اثر .... حط جفوفك واحضر

الحاج جاسم المعموري

http://www.rahiq.net/upload/rahiq_20709693.gif

ابو ثمامة

24-02-2008, 09:10 PM

السلام عليكم اختي العزيزه ام سيد ياسين والله لقد زرت عنك نيابه وعن اختي الكريمه عاشقة اهل البيت والاستاذ سلام وجند الحكيم وكل الاعضاء وخصصتك بالذكر وسابقى كذلك وسازور عنك يوم الاربعين وهذا عهد والسلام عليكم ...عذرا اني مشغول بالزوار

ام فاطمة

24-02-2008, 09:44 PM

http://smiles.al-wed.com/smiles/13/i1599814_70092_4.gif

انـت يـا دم الكلـب

انـت يـا دم الكلـب هـذا الجـره
انت روحه التنبـض بجـواه تـره
والله لو بالطف جنت حاضر تشوف
الّه اسوّي جلدي الك غبـره وثـره
الّه انزع روحي يمـك يـا حسيـن
هـاك اكلـك هالـدرع وشمزغـره
الّه اصب ايام عمري عله الطفـوف
صدري اخسفه من اللطم عاللي جره
وشهك ال سابع سمه واطحن ضلوع
من اشـوف ضلوعـك المتكسـره
طاسه من جلد السمه الدمك اجيـب
حين المّـه وخـاف جفّـي يدمـره
كون احط نحري عله نحرك للسيوف
لا اشوفن جمسـك ايحـز منحـره
الّه اكطّع روحي يم شمـر اللعيـن
سيفه ابلعه وحتّـى ابلـع خنجـره
لو الف مره انذبح بـس لا اشـوف
لوعتـك يبـن الزجيّـه الطاهـره
من اشوفك تنجرح اركـض وشيـط
وانـده العبـاس سبـع الكنـطـره
كوم اكلّه حسيـن نايـم عالتـراب
تدري اخوك حسين كطعو خنصره؟
تدري زينب يم خيمهه شكد خيول؟
نـار بذيـال العقيـلـه مـوجـره
ترضه زينب يزمخ عليهه الجّبـان
وانت تدري اشكد عزيـزه مخـدره
زينب تصيّح يحيـدر بويـه كـوم
انفـض ترابـك دعـوف المكبـره
زينب الوحدهـه تصـرخ ياحسيـن
كام اخوك وطاح كسـرت خاطـره
وارد اركب جفوفه اشدهن عالزنـود
وارد احـط بجفّـه كبضـة باتـره
وارد اشوفن من يظل من الجيـوش
من يجي العبـاس سبـع الكنطـره
هذه القصيده لاخي وصديقي الشاعر المبدع حيدر ال فتله السماوي

http://smiles.al-wed.com/smiles/13/i1599814_70092_4.gif

ام فاطمة

24-02-2008, 09:49 PM

http://www.shia4up.net/out.php/i87770_swahlcomfea3.gif (http://www.shia4up.net)

ياهلال البي فكدنه امجادهه

ياهلال البي فكدنه امجادهه/بالحزن ذكرى الطفوف وعادهه
تنادي زينب يا حسين ....يبن أمي يا حسين
ياهلال البي حزن اَل الرسول
وحيدر الكرار والزهره البتول
بالدماء مخضب تسحكه الخيول
سبط طه المصطفه وعماده
.....

ياهلال ألبيك حزنتله السماء
والملائك ناحت ونصبت عزاء
عالسيوف وفازت الحره الدماء
دم سليل المرتضى وسياده

>>>>>>

خَلفٌَت بالروح حزن المايميل
من سبوا أشرف حرم وبلا جفيل
حبال بركاب النسه وحتى العليل
لعد طاغي الشام صار يكودهه

>>>>>>

ليش صار حسين عرضه للبلاء
مثل ما هو إبتلت كل الانبياء
وليش صار حسين أكثر بالولاء
نعرض الحاله ونزيد الرادهه

>>>>>

حيرت إبراهيم يسال عالوجود
والخلائق من تموت ومن تعود
راد يتيقٌن اوكلبه مايحود
وابن حيدر ثابت او ما حادهه

>>>>>

ونوح يدعوا للسفينه بالنجاة
من هوايل بحر هايج والطغاة
وراد لَبنَه يخلصه من كفر الولاة
وإبن حيدر ضحّه باغلى اولادهه

>>>>>

خاف موسى تكتله شذاذ اليهود
توجّه لمَديَنْ وخايف لن يعود
خاف من الموت ورباط القيود
وإبن حيدر هشمولَه اجسادهه

>>>>>>

وشوف يعكوب على يوسف من عِمَهَ
وعنده عشرهَ أولاد غيرَه محزٌمه
لاخطر يوسف الشافه وداهَمَه
وإبن حيدر وذّرولَه اعدادهه

>>>>>

ويونس من الحوت بلعت جثته
راد يخلَص من دَواهي الأذته
يدعوا وهيه هاذي الخَلصتَه بكه
وإبن حيدر ماخضع بل زادهه

>>>>>>>
شردأوصف بعد شحجي اوشردكول
مانوصف حسين لو مهما نطول
سحكت خيول الشرك صدر الرسول
مانوفي شدّه من إشدادهه

الحاج جاسم المعموري.....ايلول....2005

http://www.shia4up.net/out.php/i87770_swahlcomfea3.gif (http://www.shia4up.net)

ام فاطمة

24-02-2008, 09:52 PM

http://www.rahiq.net/upload/rahiq_20709693.gif

حى المرجله وحى اهاليهه

حى المرجله وحى اهاليهه ..... نفخر هل الرجال ومن نسميهه
سيف الحق ميقبل الى بيديهه ..... نقصدك ياعلى الاكبر يواليهه

عزم عزم الرجال وكلبه يتفطر ... يغير على العده وينشد على الاكبر
انه ابن الذى روس العده طبر ..... وبليل الهرير وعملته بيهه

يكول انه على وانه ابن حيدر .... وينه الى نعت جدى ويكول ابتر
انه ابن العفيفه الطاهره الكوثر .... سوره من الكتاب تخص معانيهه

يكول انه على واحنه بنى هاشم .... لا بينه الكفر لو ساند الظالم
ابو سفيان جدكم للشرف عادم .... وسميه امكم وهند وجواريهه

ابويه وحيد باقى ولا اله اعوان .... ابن مكه ومنه ويمثل القران
من نسل الامامه وشجرة الايمان ..... واحنه اهل الكرامه وعدنه تلكيهه

صال الاكبر وصار بوسط هل الناس ....... وبحملاته جنه صاحب النوماس
خلاهه جثث بالحافر وتنداس ..... تتراجف فزع لو يهجم عليهه

شد على الالوف بصارمه البتار ....... جن حيدر يلوك بيمنته الفقار
فرغت ساحة الحومه وغدت طشار ......... متلحك تلوذ ولو وصل ليهه

تهابه الميمنه لو شد على اليسره ...... يخطف هل الرواح بيمنته الحره
يشبه حمزه والطيار اله عبره ......... شجره والشجاعه ماصله بيهه

اندعت ليله الهى اترجع المهيوب ..... يل الرديت يوسف من دعى يعكوب
وليدى من العطش كلبه اظن مصيوب ........ وسهام ورماح الزخت عليهه

الاكبر زفته سيوف العده زفه ...... بجه الميدان حن وجنه يعرفه
شاف المعجزه من مالت الجفه ...... واحد وانكلب سافلهه عاليهه
الحاج / جاسم المعموري

http://www.rahiq.net/upload/rahiq_20709693.gif

ام فاطمة

04-03-2008, 09:59 PM

http://www.shia4up.net/out.php/i95296_250963410.gif (http://www.shia4up.net)

قصيده بحق رسول الله صلى عليه واله ...... الحاج جاسم المعموري

الكل قد ناداه ..... بحزنهه وبكاه
مات محمداه ..... اًهٍ رسول الله
يا رسول تحيه .... نبدي بيهه والسلام
والصلاة على المحيه .... الطاهر وانته الامام
انته من الله المؤيد .... بالوحي وخير الكلام
وانته اخلاقك عظيمه .... بنص كتابه يل همام
شجرتك شجره نظيفه .... ما وصل ليهه الحرام
من الذبيح انته يطه ... من الذي الهم مقام
اجليت للظلماء .... من نور غار حراء
والوحيُ اذ ناداه ..... قم يارسول الله
والكل قد ناداه

قصة المصرع طويله ... نكتفي منهه ونكول
والحديث ولو نفصله ....هل الشرح عدنه يطول
من وحى رب الجلاله .... وكلك اقره يارسول
اْقره ما انزلنه وافهم ... هلبشر طبعه عجول
وظلت الايات تنزل ... يا بشر طيعوا شنكول
هذا الكم مو عليكم .... واضحه هذي الحلول
ثارً ابو سفيان ..... فعانق الاوثان
وقال ياويلاه .... محمدُ وفتاه
والكل قد ناداه

جم حديث وجم روايه ... تبلٌغ وجم سوره نزلت
حيدر خلافي عليكم .... بالغدير الايه حذرت
بالصلاة لمٌن تصدق ..... لليتيم فطوره انطت
وبدر وحنين مرٌه ... وخيبر الرايه تعطلَت
بالحرب جبريل صوته .... بالفتى وسيفه تعجبت
ولو نعد مانحصي ابدا .... الكعبه ميلاده تشرفت
قول فلا ننساه .... والرب قد املاه
من كان لي بولاه .... هذا علي ولاًه
والكل قد ناداه

انته تعرفهم يطه .... وتعرف اصحاب السقيفه
واحد الواحد تفهمه .... غايته ونيته المخيفه
وتعرف اصحابك عددهم .... ثله مختاره ونظيفه
لسانك من الله كلامه .... وكل احاديثك شريفه
انته ماتهجر يطه .... لا جن حجايه عنيفه
قصده معروف الحجاهه ..... نفسه واطباعه السخيفه
قول فلا نرضاه .... من مارق لسواه
الرب قد ناجاه ... في موضع يرضاه
والكل قد ناداه

من هبل طاح انتخاهم ..... لبت الدعوه الطغاة
من ابو جهل واميه .... ومن هند ام البغاة
وجم منافق كلبه اسود .... تظهر بوجهه السمات
حاربوك بكل وكاحه ..... ولقبوك ابشع صفات
وانته يالمحمود اسمك ..... تنصح وهمه الجفاة
ماشلت سيفك تحارب .... الاٌ جبروك الجناة
نصرٌ من الرحمن ... على يدي الفتيان
سيف ولا لسواه .... ولا فتى الاٌه
والكل قد ناداه

من بعد عينك يطه .... ال اميه وشيخ يثاْر
بالعفيفه الزهره بداْو .... والضلع منهه تكسٌر
اغتالوا الوالي الصميده .... بالصلاة اشقاهه طبٌر
الواقعه بطف الكرامه .... سبطك بدمه تعفٌر
والجفوف الحره طاحت .... والسيوف توذر الاكبر
والشباب بدم تحنٌت ..... للرضيع بنبله ينحر
والطفل حين رماه ..... نبلٌ وفيض دماه
فقال يا ابتاه ..... اني ارى جداه
والكل قد ناداه

ماكفاهم دم حبيبك ..... وكربله شاهد عليهم
صاروا اولادك ضحايه ..... واحد الواحد كضوهم
بالبقيع انوار خسفت ..... وتالي هدمولك كبرهم
وبسجن هارون موسى .... روحه ضاكت من ظلمهم
والرضا بطوس الغريبه .... سمٌه مامون بحقدهم
الهادي وابنه واخته واهله .... فجروا مرقد يضمهم
نبقى بظل هداك ..... نحن ولاننساك
احفادهم تنعاه .... حكم تريد بقاه
والكل قد ناداه

داروا علينه بظلمهم .... واحنه بالفطره نحبك
نحب اهل بيتك يموله .... وكلمن البايع عترتك
صارت الدنيه جهنم .... ضاكت الوسعه ونخبرك
من طغاة هوايه جارت ..... بالقهر رادوا نتركك
كالوا وكلنه عباره ... نكظي كل احنه على دربك
لا ولا ننسه ونجدد ..... عهد ابو اليمٌه على اسمك
خذ يا ابا الابرار .... عهدٌ من الاحرار
قول فقد قلناه ..... ارواحنا لفداه
والكل قد ناداه

http://www.shia4up.net/out.php/i95296_250963410.gif (http://www.shia4up.net)

ام فاطمة

05-03-2008, 07:40 PM

http://www.arabsys.net/pic/zkarf/11.gif (http://www.arabsys.net/pic/index.php)

الَلَّهٌمَّ صَلَِ عَلَىَ مٌحَمَّدْ وَآلِ مُحّمَّدْ وعَجِّلْ فَرَجَهُمْ وَالْعَنْ أَعْدَائَهُمْ

قصيدة شنهو العذر لو تنسال امٌتهَ

شنهو العذر لو تنسال امٌتهَ ......عن دم حفيده بكربله وعترته

شنهو العذر من كربله والجواب .....شنهو العذر من القه بيهم خطاب
لو من وكف بالحومه دمٌهَ الخضاب .... لو ال اميٌه الصدره من رضٌته

ماانطي بيدي ولاابايع يزيد .....من ال اميٌه الطاغي وابن العنيد
تنخه بهبل وتريده يرجع جديد ........ تنكر وجود الباري وديانته

خَلٌت ابن فاطم اسير الطغاة .....وهو الامام الهادي وابن الهداة
ظل موقفك يحسين موقف ثبات .... ماهابته سيوف العده وراعته

عطشانه ظَلتٌ سادة العالمين .....بيت النبوه اْولد طه الامين
ومخدرات العفه والطاهرين ..... مصيبتهم الصُم الصَخر بَجٌتهَ

شيعة ابو سفيان ناده الامام ....لاغيره عدكم لاعهد لاسلام
ندري العرب شيمتهه بالالتزام ....سهام الغدر من جاوبت خطبته

برزت شباب الخيره والصابره ....ولد النبي اولد الوصي حيدرة
خلت جيوش عداهم محيٌره ..... فلقة قمر لو يوسف اوخلقته

بين الشريعه وبين طف كربله ....وتحيٌرت تجمع بهل العايله
كل المصايب والحزن والبله ..... نار العده البيت النبي حركته

عباْ اصحاب العزه واهل الوفاء ....نادوا يبو الاحرار احنه الفداء
شهروا سيوف البيضه يوم اللقاء ....خلوهه ذكرى وللعده هزته

خل نسال شخط القلم وشكتب ....ونحمٌل الاطراف لوم وعتب
من حركوا خيام النبي شسسبب ...طلعت بنات المصطفه الحومته

مثل الكطه ظلن يحومن رعب ....من شافته مجفن بذاري الترب
وحدتهن ادك عل الوجي وتنتحب ....وركيه تبجي وزيٌدت لوعته

الحاج جاسم المعموري ...5,2,2008

http://www.arabsys.net/pic/zkarf/11.gif (http://www.arabsys.net/pic/index.php)

ام فاطمة

05-03-2008, 07:41 PM

اختى عاشقة اهل البيت حياكم الله وشاكره الك الحضور الرائع

بالنسبة لشاعر اهل البيت يستحق ان يعمل له ديوان ربي يوفقه دنيا واخره بمحمد وال محمد

ام فاطمة

07-03-2008, 09:43 PM

http://smiles.al-wed.com/smiles/65/1636.gif

الَلَّهٌمَّ صَلَِ عَلَىَ مٌحَمَّدْ وَآلِ مُحّمَّدْ وعَجِّلْ فَرَجَهُمْ وَالْعَنْ أَعْدَائَهُمْ

انت رسُولُ للعالمين ...... وسيدُ للمرسلين

انت رسُولُ للعالمين ...... وسيدُ للمرسلين
السلامُ على محمد ..........واله الطاهرين
يارسُول الله المُؤيَد .....ياسَليلَ الاْنبياء
ياابو القاسم مُحَمٌد ......اْنتَ رمزّ للاباء
انت نور الله وعطائه....انت قران السماء
انت رحمه وانت قدوه .....وانت عَلمٌت الوَفاء
انت هَديُ الله فينا .....بهُداهُ سائرين

ياابو الزهره العفيفه .....ياامل كل العباد
يارجانه ومقتدانه .......بالنوايب والشداد
انت باب الله الوسيعه ...لو حضر يوم المعاد
بالشفاعه وبالكرامه ...من ابو الامه الجواد
لعزاء الدهر جينا .....ونعزي العالمين

فكدك الامه فجعهه ....وغركت الدنيه بظلام
انت مصلح يامحمد ....وانت نبراس السلام
من رحت عنه ابتلينه....بالطغاة وباللئام
بعد ما غمضت عيونك .... والله يصعب هل الكلام
وتمَادى الغَيٌََ فيها ......بجمُوع الخائنين

مصيبتك يالهادي كلفه ......تحمل الكرار اثرهه
وشيعتك صارت ضحايا .....والطليق الي هظمهه
راحت اولادك مجازر .....وعيلتك بالطف ذبحه
مصدر الي شرع الهم ....بالسكيفه من غصبهه
جبتها يشفي غليللُ ... بعويل الاكرمين

بالخميس اليٌ نذكره .....والكلام الي ننكره
انت مو هاذي صفاتك ....لسانك من الباري امره
لاهوى ينطق لسانك .....والوحي مخصصله ذكره
انت ما تهجر يطه ....والجبت يتحده امره
والطواغيت تجنت ....في رحاب الطاهرين

من توفى الباري روحك ...... يا ابو الزهره البتول
لاتغسل لا توارى ......خالفوا كل الاصول
سارعت ثلة خيانه .....هل الشيوخ وهل الفلول
عزلوا الوَصىٌ نبينا .....وعيٌنوا عجل وهزول
سامريٌُ القومِ اضحى .....في رقابِ المؤمنين

بالوصي الكرار خانوا ..... والوصيتك خالفوهه
وكل احاديثك يطه ..... امروا عليه حركوهه
ولي اعظم يا محمد ....فاطمه الزهره ضربوهه
بالحسن وحسين غدروا ....والائمه السمموهه
ليت اشياخي ببدر .... وينادي المجرمين

والسياسه يا نبينه ....... لعبت الدور الخطير
مونزيهه يانبينه ......... وهيه لتعين الامير
جم امير علينه اجرم ..... يعدم الشعي الفقير
والله يا طه شاخبرك ..... يشيٌب الطفل الرضيع
لا لحجِ لاصلاة ِ..... هكذا يدعوا الضَنين

سيدي اليوم المصيبه ...... البيهه فاركت الحياة
والامل عدنه يطه .....قائم الحق بالنجاة
احنه ويه الحك ربينه .....واحنهَ نتحدَه الطغاة
جم شهيد المِنهٌٌَ ضَحهٌ ... ... وجَم لقيط من الولاة
يتحدى الرٌبُ حقدا ...... ويَسبٌُ المرسلين

الحاج جاسم المعموري

http://smiles.al-wed.com/smiles/65/1636.gif

خادمة الحجة (عج)

08-03-2008, 01:31 AM

طيب الله أنفاسك الطاهرة اخي الفاضل على هذه القصائد في غاية الجمال لاعدمناكم ياشيعة أمير المؤمنين وهنيئا لكم لهذه الخدمة المباركة

الف شكر للاخت ام فاطمة لهذه المبادرة الطيبة جزاكم الله كل خير

ام فاطمة

15-03-2008, 09:08 PM

http://www.al-wed.com/pic-vb/1073.gif

اليوم حزنانه اهل المعرفه ..... العسكرى سمته اهل الجفه

اليوم حزنانه اهل المعرفه ..... العسكرى سمته اهل الجفه
هذا ابن هادى الانام .... هذا ابو الحجه الامام
اليوم حزنانه اهل المعرفه

ياهظم اشكي ....... وابدي كلي منين
بكربله اوزينب ... لو ابو السبطين
لو نبي الامه .... اوعترته مذبحين
جي صدك من كال .... احنه اهل الدين
من توكل حبيب الله وهتف .... وصار دينك يحقق للهدف
ثارت احقاد الصنم .... من علي ليهه هدم
جي نطق جلمة وفه .... اليوم حزنانه اهل المعرفه

كلنه نشكي جروح .... والمن نعاتب
ياهو يسمعنه ..... بينه وتحارب
التمت علينه .... كافر وناصب
وهذا جار السوء .... حاقد وكاذب
كلهه خافت تريد تحاربه .... الشيعه صارت حكمهه تجربه
حنت السالف عهد .... تربت بذاك المهد
هذي بيهم هالصفه ... اليوم حزنانه اهل المعرفه

عادت الايام ... والزمن دوار
ال اميه شلون ... خانت الابرار
وهم بني العباس .... عدمت الاحرار
هل النسل منهم .... يقلد الادوار
يوصي بيهم يكلهم هل الكره.... بملعب العيله تبكه دايره
لاترحم لاعفه .... اليوم حزنانه اهل المعرفه

اليوم سامره ... تبجي على المسموم
الحسن مولى الدين .... اوكبره المهدوم
زمرة التكفير .... عادت بهل اليوم
اتحن لبو سفيان ..... والهدف معلوم
الشيعه لازم تزيل من الحكم .... واحنه مانرضه نبكه بهل الظلم
لازياره ولاحسين .... ولامشي بالاربعين
والعقل نوره انطفه ... اليوم حزنانه اهل المعرفه

اليوم المصيبه ..... والكبر مهجور
هدموا الكبه ..... وعلى الضريح اتجور
هدد الملعون ..... يذبح الى يزور
احنه لا منخاف ..... احنه لله انذور
هذي انصارك اهل المرجله ..... خلي تعرفنه كل اهل المله
لاركنه ولانخاف ..... ضكنه من موت الزعاف
احنه مو اهل الجفه .... اليوم حزنانه اهل المعرفه
انمدت ايد الجور .... العسكري تفجرهه
وللنبي بغايات .... تعتدي ترسمه
حسين والعباس ..... قصفته تهدمه
وجم عميد الدين .... صارت اتعدمه
شوف افعال ابن نسل الحرام .... دنس الحضرت حسين الامام
وعلى الدبابه صعد .... يكول لاشيعه بعد
مصدره الكل تعرفه .... اليوم حزنانه اهل المعرفه

اسال التاريخ ..... لوحجه ويكول
العسكري سموه ... امنهو المسؤول
لو خضع الهم ..... يصبح المدلول
هذا ابن طه .... خلصوا اهله جتول
حيدر الوالد الي انجبه.... وبحضن فاطم وشب وربه
هذا ابن باب العلم ....... ساده من خط القلم
هذا ابن راعي الوفه ... اليوم حزنانه اهل المعرفه

وين ابو فاضل .... تنادي سامره
وين ابو الشدات .... يشهد الحضره
والله مايرضه .... روحه متاثره
هبت جفوفه .....ز العلكمي يجبره
الكربه نادت يعباس النفل .... امشينه سامره تنخاك بعجل
والفرس صاح وصهل ... شهل الظليمه وهل الفعل
ناده بصحاب الصفه .... اليوم حزنانه اهل المعرفه

وين عابس صار .... وين ابن ظاهر
وين ابن رياح ..... يذبح الفاجر
جون خله يعيد .... كربله اوعاشر
مسلم الوصه ..... اوصية الثائر
خل تشوف المراجل والحتوف ..... والله تصليهه من حر السيوف
ربع ابن لادن تصير ..... لا ولا طير اليطير
تمسى كلهه مجتفه ..... اليوم حزنانه اهل المعرفه

ياابو صالح ..... طالت المده
ننتظر لاوين ..... للصبر حده
تسال الوادم ... والظلم عده
ايزيد كل مره .... اوالده اوجده
بالبقيع اهلك الطاغي ظلم .... اوبيتك بسامره فجرهه او هدم
بشيعتك طال البله .... يصير تبكه معلعله
ننتظر ساعة وفه ..... اليوم حزنانه اهل المعرفه

خادم الحسين /// الحاج جاسم المعموري

http://www.al-wed.com/pic-vb/1073.gif

ام فاطمة

15-03-2008, 09:09 PM

حياكم الله اختى العزيزه خادمة الحجة عج وجزاك الله خير الجزاء لتعطير الصفحة بتاوجدك العطر الف رحمه على والديك

عاشقة اهل البيت

15-03-2008, 10:40 PM

احسنت اختي مجهود رائع
وحقا يستحق اخينا الفاضل لنشر قصائده لانها حقا رائعه
بورك مجهودك ومجهود اخينا
ثبتنا الله واياك اختى واخي على الولايه ومحبة الله سبحانه وتعالى جزيتم خيرا كثيرا وبارك الله فيك على الطرح القيم في ميزان حسناتك يارب العالمين

ام فاطمة

15-03-2008, 11:45 PM

حياكم الله اختى العزيزه وجزيل الشكر الك والى شاعر اهل البيت ع جاسم المعموري موفقين يارب بمحمد وال محمد

ام فاطمة

15-03-2008, 11:49 PM

http://www.al-wed.com/pic-vb/1073.gif

الَلَّهٌمَّ صَلَِ عَلَىَ مٌحَمَّدْ وَآلِ مُحّمَّدْ وعَجِّلْ فَرَجَهُمْ وَالْعَنْ أَعْدَائَهُمْ

اْهٍ رسولَ الله .......اْهٍ حبيبَ الله

اْهٍ رسولَ الله .......اْهٍ حبيبَ الله
اْهٍ على مثواك .... ارواحنا لفداك
اْهٍ رَسولَ الله

يامحمد انتَ اية ......وانتَ عنوان الصمود
انتَ يالهادي نبينه ...وانتَ تاريخ الخلود
ياابو القاسم محمد ...ياابو الزهره الودود
يانبع صافي بوجوده ....ياشرع هذا الوجود
نرضى لحد رضاك ..ولانرى لسواك
قل ياحبيبَ الله .... اهٍ رسَولَ الله

بسمك الدنيه تِسَمٌت ...والسمَهَ وارض وبحور
والفلك كِلهَ ونجومه ....والشمس بيهه التدور
والبشر والجن تكونت ....والخلق لجلك ينور
والاجل نسلك يَطهَ ....كلهم شموس وبدور
قلب لنا يهواك ....مُتيٌمٌ للقاك
سرورنا نجواه .....اهٍ رسول الله

انتَ قرُانهَ وحدَيثه ....الباري خلاك الدليل
ياحبَيبَ الله رَسوُله ....عل البشر انتَ الوَكيل
وَصٌف اخلاقك كتابهَ .. ...وعَظمٌه بوَصفهَ الجميل
صلى هو والملائك ...واليٌ امَن عل الخليل
صلى على محياك .... شهادة لعلاك
ولم يَخصُُُُُ سواك .... اهٍ رسول الله

يارسول الله اجينه ...جينهَ نحيلك مُصاب
والشعائر هذي بسمك ....لانخاف ولانهاب
جينه ونجدد مُصابك ....والكَلُب يحمل عتاب
كل شخص بينه يطه ....يسال يريد الجواب
انت وليس سواك ....نمشي بدرب خطاك
والقلبُ اذ ناداه ...... اهٍ رسول الله

جينه يا طه نعاتب .... والنفس تملك قرار
لو توالي لو تعاند .... لو تظل تمشي بمسار
احنه وياك الغدينه ..... لا ولا نلوذ بفرار
والنفس مرهونه بسمك .....والزمن شاهدنه صار
مرهونة بنداك ..... لا والذي سواك
نَحلِفُ بسم الله ..... اهٍ رسول الله

جمَ منافق جَم مُرائي .... جَم خليفه علينه جار
جَم مناضل واسمه فارغ .... قائد وشيخ بقرار
لاهو يقره ولا هو يكتب ....لا اله بموقع منار
بالاحاديث الغريبه .... سَوٌتهَ اْو بَس هُوَ صار
قومُ ترُيدُ عِداك .... لاننا نفداك
والله قد نجاه .... اهٍ رسول الله

يارسول الله نعاتب ..... والوضع اصبح خطير
شيعتك مظلومه تشكي .....من هظم وبلا نصير
عالمك هذا على طوله ..... عل الكفر سار ويسير
من يكلك اني مسلم ..... بالفعل ضِدَهَ يصير
لاتهتدي بهداك ..... ولاترَوُم لقاك
قول يطوُل مَداه ... اهٍ رسول الله

يارسول الله هَدفنهَ ..... فكرك ويهدي الانام
والعدل والخير سُنهَ .... يحُكم العادل مُرام
لكن الطاغي تِحدٌه ..... يكفرٌ اتباع الامام
والي اخطر منه َسَوَه .... يذبح ابيده السلام
يدعُوا لطمس هدُاك ..... بفكره الفتٌَاك
يقول في نجواه ..... اهِ رسول الله

هذا كله يانبينه ...... مصدره واضح مبين
من السقيفه البيهه خطط ...... اول وثاني الظنين
خططوا مصرع عترتك ...... دينك اصبح غيرَهَ دين
والخليفه الفارغ اسمه .... بالجذب صار الامين
شيعتك لازم يذلهَ ..... لازياره ولاحسين
ارواحنا تفداك ..... ياسيد الافلاك
حيٌ وفي مثواه ..... اهٍ رسول الله

والعجيبه يانبينه ....... كثرة الناس الرُعاع
بيهه واحد لو يصَفك ....... لحكته تصَفٌك سِراع
تتبع الي ضدهه يوكف ..... واللسان على الخداع
لو فقير ولو مسالم ...... صاحت بظهره الوداع
ماخاب من ناجاك .... والغيرُ قد جافاك
كلٌ على ليلاه .... اهٍ رسول الله

بعده امدٌد ولا هو تواره تراب .... صارت تركض اوتتسابق الاصحاب
يوصيه اويكله سدهَه هاذي الباب .... اخافن حيدر يَلحٌِِك يطب بيهه

لاغسلوا ولاجفنوا جسم طه ....حزينه الناس تتباجه على مولاهه
اصحابك يبو الزهره شنوُ الجاهه .... تحَزمَت للسكيفه توَجٌر عليهه

اولهم تحَزمَ يسرع بممشاه ....والثاني يهرول يغلب الوياه
قصدهم يانبينه واضح بمعناه ....شورى والامر من لافتَهَ ليهه

يكلوله النبي وَصَه العلي يخليٌ .... وبيوم الغدير وبخبخ يهني
مولاك وتكله ياعلي تولي ...... شنهو الغيٌرَك تتامر عليهه

الحاج جاسم المعموري

http://www.al-wed.com/pic-vb/1073.gif